Վախեցե՞լ էին․ ինչու փոխվեց Արցախի պատվիրակության կազմը
«Ժողովուրդ» թերթը գրում է. «Արցախի նախագահական ընտրություններում դիտորդություն անելու նպատակով ՀՀ ԱԺ-ից մեկնել էին չորս պատգամավոր՝ պատվիրակության ղեկավար Ալեն Սիմոնյանի գլխավորությամբ։ Նրանք են՝ Հրաչյա Հակոբյանը, Սիսակ Գաբրիելյանն ու Արտյոմ Ծառուկյանը։
Նկատենք սակայն, որ մարտի 31-ին տեղի ունեցած համապետական ընտրություններում Ազգային ժողովի ավելի մեծ թվով պատգամավորներ էին մեկնել դիտորդական առաքելություն իրականացնելու։ Մասնավորապես, այս անգամ Արցախ չեն մեկնել Անի Սամսոնյանը, Արմեն Փամբուխչյանը, Արթուր Դալլաքյանը, Համազասպ Դանիելյանը, Ռուստամ Բաքոյանը։ Այս անգամ մեկնած պատգամավորները եւս կորոնավիրուսի թեստ էին հանձնել։
Մասնավորապես, «Լուսավոր Հայաստան» խմբակցության պատգամավոր Անի Սամսոնյանը մեզ հետ զրույցում նշեց, թե այս անգամ Արցախ չմեկնելն իր անձնական որոշումն է եղել եւ միայն վերջին պահին է հրաժարվել մեկնել՝ սոցաջակցության ծրագրերի խորհրդատվական աշխատանքները համակարգելու պատճառով։ Հավելենք, որ մեր տեղեկություններով, ավելի փոքր թվով պատգամավորների Արցախ մեկնելը կապված է նաեւ կորոնավիրուսի ու Արցախում հայտարարված արտակարգ իրավիճակի հետ։ Մեր տեղեկություններով, որոշում է կայացվել ռիսկի չդիմել եւ դիտորդությունն իրականացնել ավելի քիչ պատգամավորներով»։
Մանրամասները՝ թերթի այսօրվա համարում։
Հետևեք մեզ Facebook-ում