Պարզ չէ, թե ինչո՞ւ է մեզ մոտ կորոնավիրուսով հիվանդների այսպիսի բարձր ցուցանիշ

Այսօր Նիկոլ Փաշինյանը նոր հայտարարում էր բուժաշխատողներն ու թոքաբորբով հիվանդները պետք է թեստավորվեն: Սրանից հետո կարելի՞ է խոսել, որ այս կառավարությունը ունակ է լուրջ պայքար տանել այս հիվանդության դեմ: Մենք արդեն տևական ժամանակ է ինչ նշում ենք, որ այս վարակի տարածման թիվ մեկ խնդիրը պիտի թեստավորման խնդիրը, որպեսզի ճշգրիտ ինֆորմացիա ունենանք, այս հիվանդության տարածման իրական պատկերի մասին:

Եթե մինչ այսօր, նույնիսկ թոքաբորբով հիվանդները դեռ չեն թեստավորվել, ապա հարց է առաջանում`  ինչո՞վ է ընդանրապես զբաղված կառավարությունը և ի՞նչ խնդիրներ է նա լուծում:

Ինչպե՞ս  նա կարող  է էֆեկտիվ աշխատել, եթե անրաժեշտ պարզունակ խնդիրները մինչ այսօր չի լուծել:

Դատեք ինքներդ, որպեսզի տնտեսությունը սկսի աշխատել,որպեսզի երկիրը սոցիալական կոլապսի մեջ չհայտնվի, իշխանությունները պետք է կարողանային ժամանակին վերահսկելի դարձնել այս վարակի տարածումը: Այդ քայլով նախ հնարավոր կլիներ լոկալիզացնել վարակը, հետո աշխատեցնել տնտեսության սեգմենտների մի մասը:

Այսօր վարչապետը հայտարարում է, որ  «...վաղվանից կսկսեն թեստավորել բոլոր թոքաբորբով հիվանդներին...»: Կներեք, եթե դուք մինչ այս պահը դեռ դա չեք իրականացրել, ինչպես ե՞ք հայտնաբերելու այն նոր հիվանդներին, որոնք հիվանդանոցներում չեն և թոքաբորբ էլ չունեն: Դուք դեռ նոր թոքաբորբով հիվանդներին եք պատրաստվում ստուգել: Պարզ չէ, որ մնացած ավելի ոչ տեսանելի խմբերին, դուք չեք էլ պատկերացնում ստուգել: Դուք նույնիսկ տարրական խնդիրները մինչ այսօր չեք լուծել: Բա ձեր գործնեության իմաստն ո՞րն է: Սելֆիներ անելը, «լայվերով» հանդես գա՞լը:

Ապշել կարելի է այս կառավարության տկարության աստիճանի վրա: Պարզապես ամոթ է այս չափ տկար գործելը:

Դրանից հետո, քանի՞ մարդ պետք է հավատա, որ դուք ունակ եք լինելու կանխելու վատթարագույն զարգացումը մեր երկրում:

Դուք նույնիսկ նույն սիմպտոմով հիվանդներին,  պարզվում է մինչ այսօր չեք կարողացել ստուգել: Դրանից հետո, ձեզնից ի՞նչ պահանջել:

Մենք էլ առաջարկում էինք թեստավորել բոլոր խոցելի խմբերին, խանութների, դեղատների, բանկերի բաժանմունքների աշխատողներին:

Պարզվում է դուք մինչ այսօր նույնիսկ թոքաբորբով հիվանդներին դեռ լիարժեք չեք ստուգել: Մեզ համար արդեն հայտնի է, թե ինչու է մեզ մոտ մեկ ամիս հետո լինելու այնպես, ինչ - որ այսօր կատարվում է Իտալիայում: Պարզապես չէինք պատկերացնի, որ Փաշինյանի կառավարությունը այս չափի տկար կարող էր գործել իր դատարկությունը` փորձելով կոցկել տարատեսակ «լայվերով» ու նման այլ շոուներերով:

Դավիթ Մկրտչյան