Թալանել են ֆերմեր Տիգրան Եղոյանին՝հասցնելով 2,5-3մլն․ դրամի վնաս

hayeli.am-ին է դիմել ֆերմեր Տիգրան Եղոյանը։ Ֆերմերն ահազանգում է, երկրում կորոնավիրուսով պայմանավորված արտակարգ իրավիճակային պայմաններում, գյուղանտնտեսության կաթվածահար վիճակի մասին․

- Ամենայն պատասխանատվությամբ հայտարարում են՝ այն, որ այսօր գյուղատնտեսությունը կաթվածահար վիճակում է, դա միտումնավոր է արվել։ Ցավով արձանագրում եմ, որ Հայաստանի Կառավարության այն ծրագիրը, որով իրենք ուզում են գյուղատնտեսությունը վարկավորել, բացառապես բլեֆ է։
Շարունակելով խոսքը՝ ֆերմերը ներկայացրել է օրերս իր հետ պատահած դեպքը․

- Ունեմ հերկված վիճակում հողատարածք, որը պատրաստվում էի ցանել։ Սակայն սերմնացու գարի չունենալու պատճառաով չկարողացա գարնանացան անել։ Եթե այսօր Կառավարությունն ուզում է օգնել, ապա ասեմ՝ ուշ է։ Ուզում եմ Կառավարության բթամիտներ հուշել, որ արդեն գնացքն անցել է, հիմա արդեն գյուղացին պետք է մտածի հողը ջրելու ու հնձելու մասին։
Երկրորդը՝ հայտնվելով մեկուսացման վիճակում, խոզերս,որ այս պահին գտնվում են Թալինում, ճանապարհները փակ լինելու պատճառով չեմ կարողանում իմ անասուններին կեր հասցնել, առավել ևս դրանց բերել Վայոց Ձոր, ինչի պատճառով էլ խոզերս սատկում են։

Նրա խոսքով՝ Մարտունու տարածաշրջանում մարտունեցին չի կարողանում երեսուն դրամով վաճառել իր կաղամբը, արդյունքում ուզում է թափել իր ապրանքը։ Իսկ ինքը՝ ճանապարհների փակ լինելու պատճառով չի կարողանում գնել կաղամբը, որպեսզի իր խոզերին կեր լինի։ 
Ֆերմերը հարց է բարձրացնում՝ ո՞վ է սրա պատասխանը տալու։

- Երրորդը՝ Քասախում մեզ պատկանող ունենք այգիներ ու մեծ անասնագոմեր։ Մենք լինելով մեկոսւացման մեջ, այդ տարածքն անտերության է մատնված։ Երեկ իմանում ենք, որ այդ տարածքների կողպեքը ջարդել ու մտել են այնտեղ՝ գողանալով մոտ երեք հարյուր հազար դրամ արժողությամբ սառնարաններ, գերմանական տեսակի «կոմպրեսատոր» ու մի քանի այլ ապրանքներ։ Նախնական մոտ 2,5-3 մլն դրամի ապրանք են գողացել։

Ֆերմերը նշում է, որ անմիջապես ոստիկանություն են դիմել, բայց ոստիկանությունն այս գործին ընթացք չի տալիս, որովհետև իրենք չեն կարողանում ներկայանալ ոստիկանական բաժանմունք։
Ֆերմերի խոսքով՝ իրենք այսօր փակված են Վայոց Ձորում և չեն կարողանում մեկուսացումից դուրս գալ։
- Գտնվում ենք դառը վիճակում։ Չգիտենք՝ որտեղ վազենք․ Թալինում խոզերն են սովամահ լինում, Վայոց Ձորում գոմեշ չունենք՝ ջայլամով ենք զբաղվում, Քասախում էլ մեզ պատկանող տարածքներն են թալանում։

- Դիմում եմ Նիկոլ Փաշինյանին՝ Դուք Կաշպիրովսկին եք, ով ինսունականաններին բթացնում էր ժողովրդին, այսօր էլ Դուք եք նույնը անում։Հերիք է խաբեք ժողովրդին․․․

Ֆերմերը նշում է նաև, որ այսօր Լիբանանից ու Սիրիայից գյուղատնտեսության մեջ ներդրումներ են անողներ կան, որոնց գոնե չի կարելի խաբել։

- Օֆիցիալ ասում եմ՝ այսօր ես բարձրաձայնում եմ գյուղացու խնդիրները, վերջ տվեք ֆեյք էջերով ինձ սեռական բնույթի հայհոյանքներ հասցնելը։ Այլապես զգուշացնում եմ՝ այն օգտատերերին, որոնց կբացահայտեմ, շանսատակ կանեմ։

Տիգրան Եղոյանը զգուշացրեց նաև, որ մի քանի օրից ինքը պատրաստվում է գալ Երևան և հանկարծ որևէ ոստիկան չհամարձակվի իր առաջ կանգնել ու խանգարել ազատ տեղաշարժի իր իրավունքը․