Փաշինյանը կարո՞ղ է վերացնել համազգային կարանտինը

ՀՀ վարչապետ Նիկոլ Փաշինյանի ասսօրվա «լայվը» շատերը պայմանավորում են նրանով, որ հենց նա էր ուզում հանրությանը ավետել «լավ» լուրի մասին՝ այն է երեկվա վարաքվածների աննախադեպ ցածր թիվը՝ 11 հոգու մասին:

Այն, որ պոպուլիստ Փաշինյանը չէր կարող այս շանսը բաց թողնել իր համար, հասկանալի է: Եթե, օրինակ, վաղը վարաքվածների թիվը կրկին աճի, նա հաստատ «լայվի» եթերում չի լինի, քանզի վատ լուրի հասցեն պիտի անանուն լինի:

Սակայն միայն այդ պատճառով չէ, որ Փաշինյանը կրկին որոշեց երևալ եթերում:

Բանն այն է, որ այս կարանտինի ընթացքում նա հսկայական ճնշում է զգում իր վրա, ոչ միայն բիզնես շրջանակների, այլև կառավարության տնտեսական բլոկի կողմից:

Նրան բացատրում են, որ երկրի երկար կարանտինի մեջ մնալու դեպքում տնտեսության մեջ կարող են անդառնալի գործընթաքցներ տեղի ունենան:

Մյուս կողմից, բժշկական շրջանակները կտրականապես դեմ են, որ կարանտինի ռեժիմը թուլանա, քանզի, ըստ նրանց, վիրուսի աճը կարող է  անվերահսկելի դառնալ, որի արդյունքում երկրի առողջապահական համակարգը կարող է կաթվածահար լինել:

Փաշինյանն այս առումով գտնվում է չափազանց ծանր վիճակի մեջ:

Եվ, ահա, այսօրվա «լայվի» ընթացքում, նա ակնարկում է բիզնեսին, որ ինքը՝ Փաշինյանը, ուզում է օր առաջ վերացնել կարանտինը: Սակայն նրան խանգարում են դա անել օբյեկտիվ հանգամանքները:

Թե որն է ելքը, հայտնի է: Պետությունը պետք է կարողանար էֆեկտիվ քայլերի արդյունքում, լոկալիզացնել վարաքի բոլոր օջախները, որի արդյունքում հնարավոր կլիներ մասնակի աշխատեցնել նաև տնտեսության հիմնական սեգմենտները: Այդ մոտեցմամբ շատ երկրներ այսօր կարողանում են աշխատեցնել իրենց տնտեսության զգալի մասը:

Սակայն այսօր արդեն բոլորի համար  տեսանելի է, որ իշխանությունը բաց է թողել իրավիճակը, զբաղված է բացառապես «հրշեջային» աշխատանքներով: Իսկ նման գործելաոճը, բնականաբար, թույլ չի տա, որ վիրուսի աճի տեմպերը թուլանան: Որի արդյունքում էլ բիզնեսի շրջանակները  մնալու են անհույս սպասման  ռեժիմում:

Այս պարագայում Փաշինյանին անհրաժեշտ էր, որ նա ցույց տա, որ մտահոգված է այս իրավիճակով, ինչ էլ որ նա կատարում է իր այս «լայվերով»:

Սա է իրականությունը:

Արտակ Հակոբյան