Արարատի մարզում դաշտում կանաչի հավաքող աղջիկն անզգուշությամբ կանգնել է ականի վրա ու պայթել

Երեկ Արարատի մարզում 33 ամյա աղջիկ է ականի պայթյունի հետևանքով զրկվել ոտքից: Վերջինս գյուղին մոտ դաշտում կանաչի հավաքելիս է եղել, երբ անզգուշությամբ ոտքը դրել է ականի վրա:

Այս տեղեկությունը ArmDaily.am- ի հետ զրույցում հաստատել է ՀՀ ոստիկանության հասարակայնության հետ կապի եւ լրատվության վարչության ԶԼՄ-ների հետ կապի, վերլուծության եւ լրատվության բաժնի պետ Զարզանդ Գաբրիելյանը

«Ապրիլի 5-ին ժամը 14.50-ին հիվանդանոցից ոստիկանության Արարատի բաժին հաղորդում է ստացվել, որ« ձախ ստորին վերջույթի, ստորին ս / 3-ի մակարդակի վնասվածքային ամպուտացիա, հեմորակիկ եւ վնասվածքային շոկ 4-րդ աստիճանի կոմոստրոս վիճակ »ախտորոշմամբ իրենց մոտ է տեղափոխվել Պ .Սևակ գյուղի 1987 տեսծնված բնակչուհի:

Մեկնած օպերատիվ խումբը պարզել է, որ նույն օրը ժ.13.20-ի սահմաններում, սկեսրոջ հետ, Պ.Սեւակ գյուղի վարչական տարածքում բանջար հավաքելու ժամանակ, նրա ոտքը պատահաբար դիպչել է ականի, որի հետեւանքով տեղի է ունեցել պայթյուն եւ վերջինս ստացել է նշված վնասվածքը: Հանգամանքները պարզվում են: Նախապատրաստվում են նյութեր»: