Զանգերը ֆիքսելը, դրանց սկիզբն ու ավարտը տեղորոշելը կարևոր է պոտենցիալ վարակակիրների քանակը հասկանալու համար. Ռուստամ Բադասյան
ԱԺ-ն արտահերթ նիստում շարունակում է քննարկել արտակարգ դրության ժամանակ համաճարակի հետևանքով անձնական տվյալների պաշտպնության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքներին միջամտելու նախագիծը:
ԱԺ «Լուսավոր Հայաստան» խմբակցության պատգամավոր Արմեն Եղիազարյանը հիմնական զեկուցող, արդարադատության նախարար Ռուստամ Բադասյանից հետաքրքրվեց՝ ինչու պետք է զանգերը ֆիքսվեն, եթե մարդիկ իրենց տներում նստած միմյանց հետ խոսում են, ի՞նչ նպատակ է հետապնդում ֆիքսել այդ զանգերը, քանի որ տեղաշարժ չկա:
Բադասյանը նշեց, որ որ 14-օրվա ժամկետն է ռիսկային հատվածը, երբ վարակակրի հետ շփումը կարող է որոշակի հետևանքներ առաջացնել։ «Այդ ինֆորմացիան լոկացիայի հետ մեկտեղ անհրաժեշտ է հասկանալու համար, թե տվյալ վարակված անձը ում հետ է կոնտակտ ունեցել։ Տարբեր օպերատորների տեղեկատվությունն է մի տեղ հավաքվում և մի օպերատորից մյուսին կատարված զանգը, դրա սկիզբն ու ավարտը տեղորոշելը կարևոր է պոտենցիալ վարակակիրների քանակը հասկանալու համար», - ասաց նախարարը։
Եղիազարյանը նաև հետաքրքրվեց, թե տեխնիկական առումով ինչպես են պատրաստվում ֆիքսել, եթե, օրինակ, անձը սմարթֆոն չի օգտագործում, կամ էլ սմարթֆոնի վրա «ջիպիէս» համակարգը միացված չէ։
Բադասյանը նշեց, որ եթե անձը վարակված է և նրա հետ կոնտակտավորների շրջանակը պարզ է, կարող է զանգ կատարվել և զանգից հետո պահանջել, որ անձը հավելված օգտագործի, որի միջոցով ավելի հեշտ կլինի տեղը որոշել։ «Ովքեր որ սմարթֆոն չունեն, տարբեր միջոցառումներ են քննարկվում, որ կիրառվեն, կամ սմարթֆոնը պետք է տրամադրվի անձանց, կամ ով չունի, նշանակում է՝ պետք է մեկուսացման և ինքնամեկուսացման այլ միջոցառումների ենրթարկվի»,- ասաց նախարարը:
Հետևեք մեզ Facebook-ում