Դավոսի հաղորդակցության համաշխարհային ֆորումը Երևանում

Հասարակայնության հետ կապերի հայաստանյան ասոցիացիան (APRA), Դավոսի հաղորդակցության համաշխարհային ֆորում ասոցիացիայի (World Communication Forum Association) հետ համագործակցությամբ, 2017 թվականի մարտի 21-22 Երևանում՝ «Elite Plaza» բիզնես կենտրոնի «Մանթաշև» սրահում, կազմակերպելու է WCFDavos/Yerevan երկօրյա ֆորում: Ֆորումի տարածաշրջանային նիստն անց է կացվելու «From Crisis to Development - Powered by Communication» («Ճգնաժամից դեպի զարգացում՝ սնվելով հաղորդակցությամբ») թեմայով:
Գրանցման ժամը՝ 09:30-10:00:

Ֆորումն ունենալու է 5 հիմնական պանել.
Crisis Communication (Ճգնաժամային հաղորդակցություն),
Social media and communication measurement (Սոցիալական մեդիա և հաղորդակցության չափում),
Corporate reputation and CSR (Կորպորատիվ հեղինակություն և ԿՍՊ),
Country Branding (Երկրի բրենդինգ),
Community development (Համայնքի զարգացում):

Յուրաքանչյուր պանելում ելույթ կունենան ինչպես հայ, այնպես էլ աշխարհի 5 մայրցամաքներից ժամանած առաջատար փորձագետներ, մասնավորապես.
Շոն Գարդներ, ԱՄՆ: Huffington Post «Twitter Powerhouses Series»-ի համահիմնադիր:
Յանինա Դուբեյկովսկայա, Ռուսաստան: Դավոսի հաղորդակցության համաշխարհային ֆորումի հիմնադիր և բովանդակության գծով տնօրեն, Դավոսի հաղորդակցության համաշխարհային ֆորում ասոցիացիայի նախագահ:

Սաուրաբհ Կումար Ուբովեյա, Հնդկաստան: Ասիայի առաջատար «Brands of Desire» բրենդային խորհրդատվական ընկերության հիմնադիր, գործադիր տնօրեն և գլխավոր բրենդային ստրատեգ: Ընկերությունը մասնաճյուղեր ունի Նյու Դելիում, Մումբայում, Մյունխենում և Ամստերդամում:

Սոլլի Մոենգ, Հարավային Աֆրիկա: Բրենդինգի, մարքեթինգի և հաղորդակցության ոլորտներում գործող «DonValley» ընկերության գործադիր տնօրեն:
Վասիլի Դուբեյկովսկի, Ռուսաստան: «CityBranding» ընկերության գործադիր տնօրեն:
Կարեն Օլսոն, Շվեյցարիա: Համայնքային կազմակերպիչ:

Այս ֆորումը Հայաստանի համար կլինի եզակի իրադարձություն, որը կձևավորի հաղորդակցության առանցքային միտումները՝ սահմանելով ոլորտի ապագան և ներկայացնելով հաղորդակցության, կառավարական հարաբերությունների և հանրային հարցերի լավագույն մասնագետներին:

Ֆորումի լսարանը Հայաստանում հաղորդակցության, PR-ի, մարքեթինգի և հարակից ոլորտների մասնագետներն են, մասնագետները պետական և մասնավոր հատվածից, ինչպես նաև համայնքային զարգացման մեջ ներգրավված մասնագետները և կազմակերպությունները: