Յուրի Խաչատուրովի հայցը պատուհաս է դաձել Ստեփան Գրիգորյանի համար

Yerevan Today-ը գրում է.

«Հեղափոխությունից» հետո նախկին իշխանության դեմ հարուցված անվերջանալի դատական գործերի շարքում է նաև ԶՈւ Գլխավոր Շտաբի նախկին պետ Յուրի Խաչատուրովն ըննդեմ քաղաքագետ Ստեփան Գրիգորյանի ընթացող դատական պրոցեսը։ Այն, սակայն, ստվերում է մնացել ու ավելի պասիվ է լուսաբանվում ԶԼՄ-ներում: Պարզվում է՝ Ստեփան Գրիգորյանն առանձնակի ջանքեր է թափում, որպեսզի գոնե իրեն հասու լրագրողական շրջանակներում հնարավորինս կանխի և թույլ չտա թեման ավելի հանրայնացնել՝ պատճառաբանելով, որ իր ռեպուտացիայի համար վտանգավոր թեմա է դա։

Բնական է, որ Եվրամիության ու միջազգային մի շարք գրասենյակների հետ համագործակցող քաղաքագետի համար այս ամբողջ գործընթացը, մեղմ ասած, այնքան էլ պատվաբեր չէ իսկ իրականության մեջ կարող է վտանգ դարնալ հետագա գրանտային առաջարկներ ներկայացնելու դեպքում: Ինքն անձամբ «վտանգավոր» ասելով, հավանաբար, նկատի չի ունեցել բուն դատական գործընթացը, որտեղ, իբրև, պատասխանող կողմ է ներգրավված և ինքն իր արտահայտություների գերին է դարձել երկու տարի շարունակ: Ըստ երևույթին, պարոն Գրիգորյանը լուրջ մտավախություն ունի՝ իր հայտարարությունների հիմքերի մասով:

Ենթադրաբար, նա չէր կանխատեսել գեներալի վարքագիծը․ «հեղափոխությունից» հետո էյֆորիկ շրջանում ասուլիսի ժամանակ էմոցիոնալ, կոշտ քննադատական հայտարարություններ է արել, որոնք հետագայում պատուհաս են դարձել իր գլխին, ու այսօր, իր համար անսպասելիորեն դարձել են դատական հայցի հիմք ու լուրջ հաղթաթուղթ՝ ողջ գեներալիտետի ձեռքին:

Հիշեցնենք, դատարանում վիճարկվող՝ պարոն Գրիգորյանի հնչեցրած երեք մեղադրական հայտարարությունները վերաբերում են 2016-ի ապրիլյան քառօրյա պատերազմին և այդ ընթացքում, մասնավորաբար, Յուրի Խաչատուրովի գործողություններին: Ստեփան Գրիգորյանը հայտարարել էր, որ 2016-ի ապրիլյան քառօրյա պատերազմի ժամանակ որոշ գեներալներ չեն եղել իրենց տեղում, ապրիլյան պատերազմի օրերին որոշ տարածքներ վաճառվել են ՀՀ գեներալների, այդ թվում՝ Յուրի Խաչատուրովի կողմից: Օրինակ, Ստեփան Գրիգորյանն ասել է՝ «ԱԱԾ-ին կառաջարկեմ ստուգել Խաչատուրովի հաշիվները», իսկ «տարածքները ձրի չեն հանձնվում» և սրանում ԳՇ այդ ժամանակվա պետի ձեռքերն է տեսել: Այսինքն, նա ծանր հանցագործության՝ պետական դավաճանության մեջ է մեղադրել Յուրի Խաչատուրովին, սա նաև նրա շահերի պաշտպանի պնդումն է:

Ընդգծենք, դրանցից մեկը արդեն իսկ բացեիբաց հերքվել է հենց Զինված ուժերի Գլխավոր Շտաբի կողմից: Ի պատասխան Խաչատուրովի փաստաբանի հարցմանը, պաշտոնապես հայտարարվել է, որ ապրիլյան պատերազմի առաջին օրը՝ հենց գիշերը, Յուրի Խաչատուրովը 10-15 րոպե հետո գնացել է համապատասխան վայր և 20 օր, ըստ տվյալների, բունկերից դուրս չի եկել:

Մանրամասները Yerevan.Today-ում։