Նույնիսկ 2018-ի հեղափոխությունը մեզ ադրբեջանցիներից ավելի երջանիկ չդարձրեց. ՄԱԿ-ն է արձանագրում

Ինչպես հայտնի է 2011 թվականին ՄԱԿ-ը հռչակագիր ընդունեց մարդկանց երջանկության գնահատման ցուցանիշներ որոշելով և կոչ արեց պետություններին այդ ցուցանիշների կողմնորոշումներով հանդես գալ, որպեսզի սեփական ժողովուրդների երջանկության ձգտման ցուցանիշները բարելավվեն:

Այդ ցուցանիշների համաձայն, օրինակ,  Հայաստանը 2017-ին զբաղեցրեց ոչ այնքան պատվաբեր 121-րդ տեղը: Համեմատության համար նշենք, որ,  օրինակ Ադրբեջանը այդ տարին 85-րդն էր:

Սակայն իրավիճակն չլավացավ նաև հաջորդ՝ 2018-ին: Քանզի չնայած 2018-ի հեղափոխության պարզվում է Հայաստանը այդ տարում իր ցուցանիշը ոչ միայն չբարելավեց, այլ նույնիսկ հետզարգացում ապրեց` զբաղեցնելով 129-րդ տեղը: Այդ տարում, օրինակ,  Ադրբեջանը զբաղեցրել էր 87-րդ տեղը:

Թվում էր, թե գալիք 2019-ը և 2020 տարիներին գոնե Հայաստանը պետք է հեղափոխական քայլ կատարեր այդ ուղղությամբ: Սակայն ցավոք ՄԱԿ-ի ցուցանիշները այլ բան են ցույց տալիս: 2019-ին Հայաստանի ժողովուրդի երջանկության ցուցանիշը կազմեց 116-րդ տեղը, իսկ Ադրբեջանինը՝ 90-րդը: Իրավիճակը չլավացավ նաև 2020 թվականին, երբ մենք մեր տեղում մնացինք, իսկ ադրբեջանցիները 90-ից տեղափոխվեցին 89-րդ տեղը:

Համաձայնվեք, որ սա ցույց է տալիս, որ 2018-ի հեղափոխությունը չնչին ազդեցություն է թողել հայաստանցիների երջանկության ցուցանիշի վրա: Հավելենք նաև, որ ՄԱԿ-ում այս աղուսյակը հաստատ  չեն կազմել ՀՀԿ-ին մոտ գործիչներ: Եվ այդ իմաստով մեղադրել նրանց Փաշինյանի դեմ դավադրության մե՞ջ, նույնպես անտեղին կլինի:

Այնպես, որ ժողովուրդի անունից խոսելը Փաշինյանի և նրա շրջապատի կողմից դառնում է արդեն աճպարարություն: Մանավանդ, որ եթե այսօր անկացվեին ընտրություններ հաստատ Փաշինյանն ու նրա թիմակիցները դժվար թե կարողանային արդար պայքարի արդյունքում հասնել հաջողության:

Սա է իրականությունը:

Արտակ Հակոբյան