Երևանում մարմնական վնասվածքներով 2 քաղաքացի է հոսպիտալացվել

Ինչպես հայտնում է shamshyan.com-ը, ոստիկանները պարզել են, որ վիրավորներն են Կոտայքի մարզի բնակիչ՝ 37-ամյա Վահե Հ-ն և Արագածոտնի մարզի բնակիչ՝ 45-ամյա Գագիկ Պ-ն։ Մինչ բժիշկներն օգնություն էին ցուցաբերում վիրավորներին, Նոր Նորքի ոստիկանները պարզել են, որ նույն օրը՝ ժամը 12։00-ի սահմաններում Գայի պողոտայի և Լվովյան փողոցի խաչմերուկում նշված անձանց հետ վիճաբանություն է տեղի ունեցել, և Երևանի բնակիչ՝ 47-ամյա Անդրանիկ Գ-ն դանակով հարվածել է Գագիկ Պ-ի գոտկատեղին, իսկ վիճաբանության ժամանակ Վահե Հ-ն փորձել է Անդրանիկ Գ-ի ձեռքից խլել դանակը, ինչի հետևանքով էլ վնասվել է ձեռքը։ Ժամեր անց Նոր նորքի ոստիկանները Երևան քաղաքի Կողբացի փողոցից ոստիկանության Նոր Նորքի բաժին են բերման ենթարկել Անդրանիկ Գ-ին, ով ներկայացվել է հետաքննչական բաժանմունք։ Ոստիկանները հայտնաբերել են նաև հանցագործության գործիք դանակը։