Արսեն Թորոսյանը թաքցնում է կորոնովիրուսի վտանգը, որ չվնասի՞ Փաշինյանի հանրաքվեի անցկացմանը

Դատեք ինքներդ Իրանում արդեն օրեկան 40-ից 50 մարդ է մահանում այդ վարակից: Իսկ վարակվածների թիվը մոտենում է 10 հազարի: Հիշեցնենք, որ Իրանը մեզ սահմանակից երկիր է: Մեր մյուս հարևան Վրաստանում արդեն կա կորոնավիրուսի վարակման գրանցված 16 դեպք, որից երկուսը ցանր վիճակում են:Հիշեցնենք, որ Վրաստանն էլ մեր հյուսիսային սահմանային հարևանն է:

Լարված վիճակ է նաև Ռուսաստանում: Մոսկվայի իշխանությունները քաղաքում մտցրել են հատուկ ռեժիմ: Ի դեպ այստեղ գրեթե բոլոր վարակվածները ժամանել են Իտալիայից: Հիշեցնենք, որ Ռուսաստանի հետ մենք ունենք բազմաթիվ կապեր:

Վերջապես չափազանց ծանր վիճակում է գտնվում Իտալիան: Այս երկիրը անցել է ընդանուր կարանտինի ռեժիմի:

Եվ այս ամենից հետո, մեր իշխանությունները նոր հիշել են, որ պետք է ՞...Խուսափել ճանապարհորդել՞ուց հետևյալ երկրներ` Իտալիա, Ֆրանսիա, Գերմանիա, Իսպանիա, Ճապոնիա, Չինաստան, Իրան, Հարավային Կորեա...: Այս մասին այսօր կոչով դիմել է առողջապահության նախարար Արսեն Թորոսյանը: Եվ դա այն դեպքում, երբ մյուս երկրները այս միջոցառումները ձեռնարկել են վաղուց: Իսկ ներկայիս պահին այդ երկրներից եկած բոլոր քաղաքացիները Ռուսաստանում ստուգվում են ոչ միայն օդանավակայանում, այլև հայտնվում են հատուկ ուշադրության կենտրոնում:

Ինչո՞ւ մեր իշխանությունները այս չափ անլուրջ են վերաբերվում: Կարելի է կռահել: Վախենում են, որ իրենց հայտարարություններով կարող են խափանել Փաշինյանի համար շատ կարևոր հանրաքվեի անցկացումը: Իսկ այս հարցը նրա համար ավելի կարևոր է, քան ցանկացած այլ խնդիր: Քանզի դա ուղղակի վերաբերվում է անձամբ  Փաշինյանի շահերին: Այս հանգամանքից էլ ելնելով  մեր պատկան մարմինները վախենում են այս հարցի շուրջ մեծ աղմուկ բարձրացնել:

Իսկ հանրաքվեից հետո, հավանաբար,  նույն Փաշինյանը իր լայվերում բացի կորոնավիրուսից այլ բանի մասին չի խոսելու:

Սա ոչ թե շարքային անգրագիտություն է, այլ  պարզապես ողբերգություն է, քանզի թերզարգացած հանրությունը այլ վերաբերմունքին հավանաբար արժանի չէ: Քանզի դեռ աշխարհում չի ծնվել մի բռնապետ, ով իր շահերը թողած մտածի հասարակ մարդկանց մասին: Մի բան, որ դեռ հասու չէ մեր հանրության շատ ներկայացուցիչների համար:

Այնպես որ,  եթե վաղը, օրինակ,  ապրիլի 5-ից հետո պարզվի, որ Հայաստանում կա ոչ թե մեկ այլ ասենք 21 հիվանդ, թող ոչ մեկ չհամարձակվի դրա մեջ մեղադրել միայն Փաշինյանին:

Դավիթ Մկրտչյան