ԱՄՆ․ «Ռուսական S-400 համակարգերը շատ լուրջ մտահոգություն են առաջացնում»

Մարտի 5-ին Թուրքիայի և Ռուսաստանի նախագահների միջև Մոսկվայում կայանալիք հանդիպումից առաջ Սիրիայի հարցով ԱՄՆ հատուկ ներկայացուցիչ Ջեյմս Ջեֆֆրին Թուրքիայի կողմից գնված ռուսական արտադրության S-400 զենիթահրթիռային ՀՕՊ համակարգերի հետ կապված մտահոգություն է հայտնել: Հաղորդում է Ermenihaber.am-ը:

Նախօրեին նա Ստամբուլում ունեցած ելույթում նշել է, որ S-400 համակարգերը շատ լուրջ մտահոգություն են առաջացնում։

Նշենք, որ Թուրքիայի նախագահ Ռեջեփ Թայիփ Էրդողանը և Ռուսաստանի նախագահ Վլադիմիր Պուտինը Մոսկվայում քննարկելու են Սիրիայի Իդլիբ նահանգում վերջին ժամանակաշրջանում տեղի ունեցող իրադարձությունները։

Հիշեցնենք, որ Ջեֆֆրին Անկարա էր  մեկնել մարտի 3-ին: Նա Թուրքիայի հարավ-արևելյան Հաթայ նահանգում հանդիպել էր թուրք բարձրաստիճան պաշտոնյաների հետ։ Ջեֆրին հայտնել էր, որ Վաշինգտոնը կարող է զինամթերքով աջակցել Թուրքիային Սիրիայի Իդլիբ նահանգում թուրքական զինուժի կողմից իրականացվող  «Գարնանային վահան» ռազմական օպերացիայի շրջանակներում։