Ռուս տուրիստը 25 հազար դրամ տվել էր տաքսիստին, ասել էր՝ մենակ ինձ Ծաղկաձորից շուտ հանիր, հասցրու Երևան

Լրագրողների հետ զրույցում ԲՀԿ պատգամավոր Գևորգ Պետրոսյանն  անդրադարձավ Ծաղկաձորում կորոնավիրուսի հետ կապված տուրիստների նվազմանը. «Ծառուկյանն առաջարկեց մեքենան ինքը տրամադրի, եթե իսկապես այդքան մտահոգ են, եթե իսկապես շահագրգռված են իսկությունն ունենալու հարցում, թող գնան տեսնեն՝ ինչ իրավիճակ է: Այնտեղ արդեն մարդկանցից դժգոհություններ ենք ստացել, նամակներ են գրում, որ տուրիստները լքել են, ամրագրումները չեղյալ են համարել: Ծառուկյանն ի՞նչ շահ ունի այդ հարցում ասել մի բան, որն իրականությանը չհամապատասխանի: Մարդը հստակ ասաց՝ եթե ուզում եք,  ցանկություն իսկապես կա, մեքենան կտրամադրի, վառելիք կտրամադրի, գնացեք՝ տեսեք:

Ընդհանրապես Ծաղկաձորից Երեւան, որպես կանոն, պատահում է 6-7 հազարի սահմաններում են տանում, 25 հազար դրամ Ռուսաստանի քաղաքացին տվել էր տաքսիստին, ասել էր՝ մենակ ինձ ստեղից շուտ հանիր, հասցրու Երեւան, ինչի՞ մասին է խոսքը»:

Zham.am