«Այո՛» լոգո պատրաստող ընկերությունը իրականում «ՔՊ»-ի դուստր ձերնարկությո՞ւնն է

«Այո»-ի լոգոյի շուրջ սկանդալը, բացահայտեց ևս մի հանգամանք: Պարզվում է` հանրաքվեի «Այո՛» քարոզչական խմբի լոգոն հեղինակած և  մրցույթում հաղթած կազմակերպությունը՝ «Garoon» գործակալությունը, տեղյակ է  եղել պաստառի գոյությանը:

«Garoon»-ը տեղին է համարել օգտագործել պաստառի տառատեսակը և մշակելով այն՝ վերածել է «Այո՛» արշավի լոգոտիպի, քանի որ, ըստ այդ ընկերության, «...ՀՀ օրենսդրությունը հստակ տարբերակում է պաստառի և լոգոտիպի սահմանումը, ինչպես նաև հեղինակային իրավունքի խախտման կարգը։ «Գարուն»-ը որևէ մեկի հեղինակային իրավունքը չի՛ խախտել...»,- նշված է այդ ընկերության հայտարարության մեջ:

Սակայն ամենազավեշտալին այն է, որ սույն ընկերությունը վստահ հայտարարում է, որ «... Garoon» գործակալության ստեղծած և մշակած լոգոտիպը կշարունակի մնալ «Այո՛» արշավի խորհրդանիշը...

Այսինքն`  այս խնդրի վերջնական լուծումը պատկանում է ոչ թե պատվիրատուին, «ՔՊ»-ին կամ «Այո»-ի շտաբին, այլ այս հաղթաղ կազմակերպությանը: Իսկ դա նշանակում է, որ այս կազմակերպությունը ունի քաղաքական լիազորություն նման որոշում կայացնելու համար, իսկ «ՔՊ»-ն և  «Այո»-ի շտաբն այս հարցում ձայն չունեն կամ լուռ կհամաձայնվեն այս որոշման հետ:

Այս աստիճանի ցինիզմ ոչ ՀՀԿ-ն, ոչ էլ նույնիսկ ՀՀՇ –ն իրեն թույլ չէր տալիս: Քանզի դրանով  գրեթե բացահայտ ցուցադրվում է, որ այս մրցույթ կոչվածն իրականում ֆիկցիա է եղել:

Սա է իրականությունը:

Դավիթ Մկրտչյան

Հ.Գ

Հետաքրքիր է այս առիթով վարչապետը կկտրի իր մարմնի որևէ մասը, ինչպես որ խոսք էր տվել