Էմմին ժամեր առաջ կրկին մայրացել է

Երգչուհի Էմմին ժամեր առաջ կրկին մայրացել է:

«3 կգ հրաշք»՝ ֆեյսբուքյան իր էջում այս գրառմամբ Էմմին հայտնել է, որ որդին լույս աշխարհ է եկել:
Life.panorama.am-ը բարի լուրի մասին խոսել է ՀՀ վաստակավոր արտիստուհի Նադեժդա Սարգսյանի հետ, ով այս պահին գտնվում է ԱՄՆ-ում՝ դստեր եւ արդեն երկու թոռնիկների կողքին:

«Զգացմունքներս աննկարագրել են, բառերով դրանք փոխանցելն անհնարին է: Երբ ծնվեց Դանիս, ես այդ երջանկությունը զգում էի Երեւանում՝ նրանցից շատ հեռու, իսկ այս դեպքում ես դստերս ու երկու թոռնիկներիս կողքին եմ տոնում այս երջանկությունը: Աննկարագրելի ապրումներ ունեմ, ինչի համար շնրոհակալ եմ Տեր Աստծուն: Ինձ կհասկանան բոլոր մայրիկներն ու տատիկները, ես էլ նրանց բոլորի նման վայելում եմ ինձ տրված այս երջանկությունը»,- հուզված պատմեց Նադեժդա Սարգսյանն ու հավելեց.

«Փառք Աստծո, Էմմին ու երեխան իրենց շատ լավ են զգում: Ես նրանց հանձնել եմ Հիսուս Քրիստոսին ու գիտեմ, որ ամեն ինչ լավ կլինի»:
Նադեժդա Սարգսյանի խոսքով՝ նորածինը հայրիկին է նման.
«Ինչպես բոլորը գիտեն՝ նոր ծնվելուց հետո դժվար է նմանություններ գտնել: Ամեն դեպքում՝ շեկ է ու հայրիկին է նման, տեսնենք՝ ընթացքում կփոխվի, թե ոչ»,- նկատեց երջանիկ տատիկը՝ նշելով, որ Էմմին ու ամուսինը դեռեւս անվան հարցում վերջանական ընտրություն չեն կատարել:
Խոսելով նորածին եղբոր նկատմամաբ փոքրիկ Դանիի վերաբերմունքից, Նադեժդա Սարգսյանը պատմեց.
«Իհարկե, Դանին դեռ լիովին չի հասկանում, որ եղբայր է ունեցել, բայց նա շատ ժպտերես փոքրիկ է ու անասաելի շատ է երեխաներին սիրում: Հետաքրքիր մի բան կա նրա մեջ՝ ուզում է պաշտպանել, օգնել իրեն շրջապատող փոքրիկներին: Այսօր էլ զարմացած նայում էր փոքրիկ եղբորն ու ժպտում. հուսամ՝ նրանք լավ եղբայրներ ու ընկերներ կդառնան»:

Անդրադառնալով առողջական վիճակին եւ հետաքրքրվելով, թե արդյոք հնարավոր է, որ նա այլեւս չվերադառնա Հայաստան, մեր զրույցակիցը ընդգծեց.

«Չվերադառնալ բացառվում է: Եվս 2-3 ամիս կմնամ այստեղ, որպեսզի եւ լինեմ Էմմիի ու թոռնիկներիս կողքին, եւ որոշ հետազոտություններ անցնեմ, որից հետո կգամ իմ սիրելի Հայաստան: Ինչ վերաբերվում է առողջականիս, Փառք Աստծո, ինձ շատ լավ եմ զգում, Տերն ինձ պահպանում է, ինչի համար շատ շնորհակալ եմ: Ինձ բուժեցին ոչ թե բժիշկները, այլ՝ Աստված»: