Ինչո՞ւ է ադրբեջանական ԱԱԾ-ն ծաղրում է մեզ` հայերիս. Տեսանյութ

Շոկային  տպավորություն կարելի է ստանալ, թե ինչպես է Ադրբեջանցի ԱԱԾ-ի աշխատակիցը`  գտնվելով Հայաստանում, նկարահանումներ է կատարում և հետո արհամարական մեկնաբանություններով հանդես գալիս հայերի հասցեին: Պատճառը հայտնի է: Դրսում հասկացել են, որ այսօր Հայաստանը գտնվում է ծաղրածուների ձեռքում, ովքեր ոչինչ չեն հասկանում պետական կառավարումից: Փաշինյանի միակ խնդիրը իր անձնական իշխանությունը  հաստատելն է, իսկ ԱԱԾ-ից էլ մեկ բան է պահանջում, որ իր դեմ «հիբրիդային հեղաշրջման փորձեր չլինեն»: Մենք գտնվում են լրջագույն վտանգի մեջ, քանզի ունենք քաղաքական իմաստով, մեղմ ասաց, անչափահաս ղեկավար:

Այսօր էլ լուր տարածվեց, որ  Նիկոլ Փաշինյանը հանձնարարել է ուժեղացնել ազգային անվտանգության ծառայության գաղտնալսում իրականացնող ստորաբաժանման աշխատանքներն ու զգալիորեն ավելացնել այդ գործով զբաղվողների քանակը: Սակայն այս ամենը ուղղված է ոչ թե արտաքին, այլ Փաշինյանի համար ներքին թշնամիների դեմ: Հանձնարարված է գաղտնալսել ու արտաքին հսկողություն իրականացնել բոլոր այն անձանց նկատմամբ ովքեր քննադատում են Նիկոլ Փաշինյանին: Ավելին՝ գաղտնալսման ենթակա պիտի լինեն ոչ միայն ՀՀ վարչապետին քննադատողները, այլև նրանց ընտանիքների անդամներին ու մերձավորներին: Իրավապահ համակարգում աշխատողների կարծիքով  գաղտնալսվողների նման աննախադեպ քանակ երբեք չի եղել վերջին 30 տարիների ընթացքում:

Փաստորեն ստացվում է Նիկոլ Փաշինյանի համար «Նոր Հայաստանն»  այն է, որ ամեն ինչ պետք է ենթարկվի իր կապրիզներին և շահերին:

Սակայն այս հանգամանքը արձանագրվել է նաև դրսում: Մեր դաշնակիցները մտահոգ են այս հանգամանքից, իսկ մեր հակառակորդները լկտիացել են, քանզի Փաշինյանն իրենց սկուտեղի վրա է նվիրել մեր անվտանգությունը:

Դրա համար էլ ադրբեջանցի ԱԱԾ աշխատակիցը իրեն թույլ է տվել ծաղրել մեզ և դա տարածել նաև սոցցանցերում:

Բայց դրա մեղավորը ադրբեջանցին չէ: Մենք ենք մեղավոր, թույլ ենք տվել այս չափի ծաղրել մեզ: Դրա պատճառով է, որ տեսանք 1915-ը, 1920-ը: Քանզի այդպես էլ ձեռք չբերեցինք անվտանգության տարրական բնազդ, որն անրաժեշտ է պետության կայացման համար:

Սա է իրականությունը:

Դավիթ Մկրտչյան