Շուտով միջազգային արբիտրաժային դատարանը կստանա «Սանիթեք» ընկերության հայցը
Դիտել նաև
«Սանիթեք»-ի ձեռքում են հայտնվել հաղթական փաստաթղթեր․ դրանք տվել է անձամբ Հայկ Մարությանը
«Սանիթեք»-ի վնասները գերազանցում են 25 միլիոն դոլարը. ընկերությունը միջազգային արբիտրաժային դատարանին է ներկայացրել իր ներդրումային հայցն ընդդեմ Հայաստանի
«ՀՀ կառավարությունը չի թողել որեւէ այլնտրանք». «Սանիթեք» ընկերության հայտարարությունը
«Սանիթեք»-ը սնանկ է ճանաչվել
«Սանիթեք»-ը կարո՞ղ է դիմել արբիտրաժ
«Սանիթեք» ընկերությունն առաջիկայում կդիմի Լոզանի միջազգային արբիտրաժային դատարան: Այս մասին Tert.am-ի հետ զրույցում ասաց «Սանիթեք» ընկերության խոսնակ Քնար Առաքելյանը:
««Սանիթեք» ընկերությունը վերջին մի քանի ամիսներին ամբողջովին զբաղված էր հայցը միջազգային արբիտրաժային դատարան ներկայացնելու նախապատրաստական աշխատանքներով: Թիմում ներգրավված են ինչպես հայաստանցի, այնպես էլ միջազգային մասնագետներ: Ընկերության իրավաբանական թիմն ավարտել է փաստաթղթերի հավաքագրման գործընթացը և շուտով միջազգային արբիտրաժային դատարանը կստանա «Սանիթեք» ընկերության հայցադիմումը»,-ասաց Առաքելյանը:
Հիշեցնենք՝ «Սանիթեք» ընկերությունը հայտարարություն էր տարածել, որով, մասնավորապես տեղեկացնում էր, որ ընկերության նկատմամբ՝ որպես օտարերկրյա ներդրողի, կիրառվել է օտարում (expropriation): Ընկերությունից նաև տեղեկացրել էին, որ ո՛չ ՀՀ կառավարությունը, ո՛չ Երևանի քաղաքապետարանը չեն արձագանքել ընկերության՝ բանակցային ճանապարհով առկա ներդրումային վեճը լուծելու ծանուցմանը, ուստի սկսել են նախապատրաստել փաստաթղթերը՝ հայցը միջազգային արբիտրաժային դատարան ներկայացնելու համար:
Հետևեք մեզ Facebook-ում