Գևորգ Լոռեցյանը կմնա կալանավորված․ պաշտպանի միջնորդությունը մերժվել է

ՀՀ կրթության, գիտության, մշակույթի եւ սպորտի նախկին փոխնախարար Գեւորգ Լոռեցյանի կալանքը երկարաձգվել է: Այս մասին NEWS.am-ին հայտնեց Գեւորգ Լոռեցյանի պաշտպան Լեւոն Սահակյանը։

Պաշտպանը տեղեկացրեց, որ ներկայացրել է նաեւ Գեւորգ Լոռեցյանին գրավի դիմաց ազատ արձակելու մասին միջնորդություն ՝ գրավի չափ առաջարկելով 2 մլն ՀՀ դրամը, ինչը մերժվել է։

ԱԱԾ-ի ձեռք բերած նախնական տվյալների համաձայն՝ նախարարի տեղակալը նախարարության ենթակա հիմնարկների կարիքների համար մարզագույքի եւ մարզահագուստի ձեռքբերման նպատակով հայտարարված մրցույթներում աջակցություն է ցուցաբերել մի տնտեսավարողի, որը Հայաստանում գործող ֆուտբոլային ակումբներից մեկի նախագահն է եւ միաժամանակ նաեւ մի շարք մատակարարող ընկերությունների փաստացի ղեկավարը: Մրցույթներում հաղթելու դիմաց փոխնախարարն իր վարորդի օժանդակությամբ պայմանավորվածություն է ձեռք բերել ստանալ առանձնապես խոշոր չափերով կաշառք։