Իշխանական իրավաբանական միտքը երեկ մի նոր «թռիչք» արձանագրեց, անկումը շարունակվում է

«Հրապարակ» թերթը գրում է. «Նախօրեին կանխատեսել էինք, որ Եվրոպայից ստացած «ապտակների» ազդեցության տակ իշխանությունը կփորձի սրբագրել Սահմանադրական դատարանի նկատմամբ որդեգրած քաղաքականությունը, սակայն դժվար թե հետ կանգնի իր համար գերնպատակ դարձրած մտադրությունից՝ հեռացնել Հրայր Թովմասյանին և ՍԴ ներկայիս կազմը, բացառությամբ աշխատանքի չգնացող Վահե Գրիգորյանի։

Օրեր առաջ էլ շրջանառության մեջ դրվեց ՍԴ-ն շրջանցելու համար մտածշված մի օրինագիծ, որը իրավաբանական հանրության կարծիքով, անօրինական է։ Բայց անգամ Եվրոպայից եկած ազդակները ոչինչ չհուշեցին մեր իշխանություններին։

Երեկ իշխանական իրավաբանական միտքը մի նոր թռիչք արձանագրեց՝ օրենսդրական նախաձեռնությամբ հանդես եկան 37 պատգամավորներ․ 36-ը՝ «Իմ քայլից», 37-րդը՝ Արման Բաբաջանյանը, որոնք առաջարկում են ուժը կորցրած ճանաչել Սահմանադրության 213-րդ հոդվածը։

Ուշագրավն այն է, որ 36-ից մեկը մեզ հետ զրույցից տեղեկացավ, որ ինքը նման նախաձեռնությամբ է հանդես եկել։

Այս անօրինական գործընթացների ֆոնին երեկ մի տեսակ ստվերում մնաց նոր իշխանությունների հերթական ներկայացուցչի ձերբալակությունը, ում մեղադրում են կոռուպցիայի մեջ։ Այսինքն՝ կոռուպցիան վերացնելու խոստումը չի կատարվել»։

Մանրամասները՝ թերթի այսօրվա համարում: