Ի՞նչ կլինի, եթե Փաշինյանին, Սաակաշվիլիի օրինակով, հաջողվի հաստատել սեփական դիկտատուրան. Վրացահայ գործչի բացահայտումները. Տեսանյութ

7 տարի առաջ մեր խմբագրություն էր այցելել Աջարիայի հայ համայնքի նախկին ղեկավար Արմեն Գևորգյանը, ով 2010-ին Սաակաշվիլիի ռեժիմի կողմից դատապարտվել էր 11 տարվա անազատության` շինծու մեղադրանքների հիման վրա: Սակայն երբ Սաակաշվիլին հեռացվեց իշխանությունից, երկրի բանտերը բացվեցին, և բոլոր քաղբանտարկյալներն ազատ արձակվեցին, որոնց շարքում էր նաև մեր հայրենակիցը: Արմեն Գևորգյանը մեզ ներկայացրեց ոչ միայն իր գործի մանրամասները, այլև Սաակաշվիլիի ռեժիմի իրական բովանդակությունը տվեց:

Այդ բնութագրով՝  համեմատելով այսօրվա Հայաստանի իրականության հետ, կարելի է գալ այն եզրակացության, որ եթե Փաշինյանին հաջողվի հաստատել սեփական դիկտատուրան Սաակաշվիլիի օրինակով, ապա մեզ մոտ դրա հետևանքները ավելի կործանարար կարող են լինել: Ի տարբերություն Փաշինյանի, Սաակաշվիլին իր կառավարման 9 տարիների ընթացքում ԱՄՆ-ից և Եվրոմիությունից ստացել էր ավելի  քան 4,5 մլրդ դոլարի անհատույց օգնություն: Բացի այդ, հակադրվելով Մոսկվայի հետ, Սաակաշվիլին ստիպված եղավ մեծացնել իր մյուս հարևանի՝ Թուրքիայի ազդեցությունը Վրաստանի վրա: Իսկ Անկարան, ի տարբերություն Հայաստանի, Վրաստանին  չէր համարում «թշնամի պետություն»: Բացի այդ Վրաստանն ի դեմս Ադրբեջանի ուներ ոչ թե թշնամի, այլ գործընկեր՝ մի շարք հանգուցային հարցերում: Այդ իսկ պատճառով, եթե Փաշինյանին հաջողվի Սաակաշվիլիի  ուղու նույնիսկ 20 տոկոսը իրականացնել մեզ մոտ, ապա  իրական վտանգի տակ կհայտնվի ոչ միայն Ղարաբաղը, այլև բուն Հայաստանը:

Սա է իրականությունը:

Արտակ Հակոբյան