Քոչարյանին կալանավորելու մասին որոշումը Դանիելյանի փոխարեն այլ դատավո՞ր է կայացրել. Փաստաբանի անակնկալ բացահայտումը` դատարանում. Տեսանյութ
ՀՀ երկրորդ նախագահ Ռոբերտ Քոչարյանի փաստաբաններն այսօր հայտարարել են Քոչարյանին կալանավորելու գործով կատարված ենթադրյալ կեղծիքի մասին: Մասնավորապես` Հ.Խոդոյանը նշել է, որ կասկածներ ունեն, որ Ռ. Քոչարյանին կալանավորելու մասին որոշումը կայացնելիս վերաքննիչ դատարանի դատավոր Արմեն Դանիելյանը խորհրդակցել է այլ դատավորի հետ, կամ ընդհանրապես այլ դատավոր է այն հեղինակել: Ընդ որում հնչեց նույն դատարանի դատավոր Ռուբիկ Մխիթարյանի անունը:
«Փաստինֆո»-ի հաղորդմամբ` այս մասին փաստաբանը հայտարարել է վերաքննիչ դատարանում` «Մարտի 1»-ի գործով նյութերը Քոչարյանի փաստաբաններին տրամադրելու գործով դատական նիստում, որը կրկին քննվում է դատավոր Արմեն Դանիելյանի նախագահությամբ:
Փաստաբանները ներկայումս ինքնաբացարկի միջնորդություն են ներկայացնում:
Հետևեք մեզ Facebook-ում