ՍԴ-ն արդեն դատական իշխանություն չէ՞. «ամենավերևից» հրահանգը հստակ է՝ ամեն գնով սևացնել ՍԴ նախագահին ու դատավորներին

«Փաստ» թերթը գրում է. «Երեկ ԱԺ «Իմ քայլը» խմբակցության պատգամավորներից մեկը ուշագրավ միտք է արտահայտել՝ զուգահեռ ՍԴ նախագահ Հրայր Թովմասյանին մեղադրելով «անգրագիտության» մեջ: Նա մասնավորաբար ասել է, թե Թովմասյանը չի հասկանում, «որ ՍԴ նախագահը դատական իշխանության ներկայացուցիչը չէ, դատական իշխանությունը ներկայացնում է Դատական խորհուրդը»: 

«Հայաստանի Հանրապետությունում գործում են Սահմանադրական դատարանը, Վճռաբեկ դատարանը, վերաքննիչ դատարանները, առաջին ատյանի ընդհանուր իրավասության դատարանները, ինչպես նաև վարչական դատարանը»: Ինչ վերաբերում է ԲԴԽ-ին, ապա, որքան էլ ոմանց համար տարօրինակ հնչի, այս կառույցի մասին էլ հոդված կա Սահմանադրության մեջ. 

Իսկ հանձնարարությունը կատարելու ճանապարհին (հատկապես հրատապ ռեժիմով) «բոլոր միջոցներն արդարացված են»: Երեկ առավոտ կանուխ վարչապետն ինքն էր կատարել գրառում, որը ոչ միայն իրավական համայնքի, այլև ընդհանրապես հանրության տարակուսանքն էր առաջացրել:

«Հրայր Թովմասյանը չի կարող լինել ՍԴ նախագահ և որևէ կապ ունենալ ՍԴ-ի հետ»,-գրել էր Փաշինյանը: Այս գրառումն արդեն տարբեր փորձագետների կողմից որակվել է որպես վարչապետի ուղղակի հրահանգ իր թիմին ու իրավապահներին, իսկ Հրայր Թովմասյանի փաստաբանը նշել է. 

«Սահմանադրական սկզբունքների խախտման, հիմնարար իրավունքների կոպիտ և ցինիկ ոտնահարման մասին խոսելն այլևս ավելորդ է։ Գործ ունենք սահմանադրական կարգի տապալման և Սահմանադրական դատարանի յուրացման առերևույթ հանցակազմի հետ»»։

Մանրամասները՝ թերթի այսօրվա համարում: