Empire State Building-ը լուսավորվել է ի պատիվ Կոբի Բրայանտի. Լուսանկար

Նյու Յորքի ամենահայտնի երկնաքերներից մեկը՝ 102-հարկանի Empire State Building-ը, լուսավորվել է «Լոս Անջելես Լեյքերս» ակումբի գույներով՝ ի պատիվ բասկետբոլիստ Կոբի Բրայանտի, որը հունվարի 26-ին զոհվել էր ավիաաղետի հետեւանքով: Այս մասին նշված է մեգապոլիսի տեսարժան վայրի կայքում, փոխանցում է ՏԱՍՍ-ը:

«Այս երեկո մեր լուսավորումը կլուսարձակի մանուշակագույն եւ ոսկեգույն, որով մենք հարգանքի տուրք ենք մատուցում բասկետբոլի լեգենդ Կոբի Բրայանտին, որը ոգեշնչման աղբյուր էր մոլորակի միլիոնավոր բնակիչների համար եւ մեզնից հեռացավ այդքան անժամանակ: Մենք հոգով ընտանիքների, ընկերների եւ երկրպագուների հետ ենք, որոնց այդ ողբերգությունն առնչվել է»,- նշված է Empire State Building-ի Twitter-յան էջում: Հրապարակված է նաեւ լուսավորված երկնաքերի լուսանկարը:

1931 թվականին կառուցված Empire State Building-ի բարձրությունը, որը Նյու Յորքի ամենահայտնի տեսարժան վայրերից մեկն է, 381 մետր է (աշտարակի հետ՝ 443 մ): Երկնաքերն այս ցուցանիշով Նյու Յորքի 7-րդ շենքն է եւ 6-րդը՝ ԱՄՆ-ում:

Մասնավոր ուղղաթիռը, որի մեջ էր 41-ամյա Բրայանտը, կործանվել է հունվարի 26-ին, Լոս Անջելեսից ոչ հեռու: Զոհվել են օդաչուն եւ ութ ուղեւորները, որոնց թվում էր Բրայանտի 13-ամյա դուստրը՝ Ջիանան:

Zham.am