Արման Բաբաջանյանի թերթի կարծիքով Նիկոլ Փաշինյանը նախկինների բարքերն է շարունակու՞մ

Արման Բաբաջանյանի լրատվամիջոցներից մեկը լուր է հայտնել այն մասին, որ մարտին սպասվելիք   Երևանի պետական համալսարանի ռեկտորի  պաշտոնի ընտրություններին  հավակնություններ ունի նաև համալսարանի իրավաբանական ֆակուլտետի դեկան Գագիկ Ղազինյանը:  Ըստ լրատվամիջոցի,  թեկնածուների առաջադրման համար առաջիկայում տեղի կունենա հոգաբարձուների խորհրդի նիստ, որն էլ կտա նախընտրական շրջանի մեկնարկը:

Սակայն, նկատի ունենալով, որ Ղազինյանի որդին՝ Արթուր Ղազինյանը, ԱԱԾ նախկին ղեկավար Արթուր Վանեցյանի մերձավոր շրջապատի ներկայացուցիչ է, քիչ հավանական է, որ Գագիկ Ղազինյանը կարողանա իրականացնել իր վաղեմի երազանքը, եզրակացնում է լրատվամիջոցը:

Ինչ է ստացվում, որ Բաբաջանյանի լրատվամիջոցը կասկածում է, որ Արթուր Ղազինյանը հայրը կարող է ընտրվել ռեկտորի պաշտոնում, քանի որ նա «հակահեղափոխականի հայր է»: Այսինքն, Բաբաջանյանը համոզված է, որ ռեկտորի պաշտոնում պիտի ընտրվի, առնվազն Փաշինյանին լոյալ անձնավորություն: Սակայն նույն այս վիճակը նախկինում էր: Իսկ 2018-ի հեղափոխության նպատակներից էր, որպեսզի այս ավանդույթը փոխվի:

Ի դեպ, Բաբաջանյանը 2018-ին դեմ էր հեղափոխությանը, իսկ այսօր դատապարտում է բոլոր «հակահեղափոխականներին», այդ թվում նաև Գագիկ Ղազինյանի տղային, ով հանդգնել է հակադրվել Նիկոլ Փաշինյանին:

Ահա այսպիսին է «Նոր Հայաստան»  թմբկահարող փարիսեցիների իսկական դիմագիծը: Սրանք իրականում ոչ թե նոր, այլ միջնադարյան այլանդակ բարքերի կողմնակիցներ են, որոնք փամփուշտի արագությամբ, միջնադարից հայտնվել են 21 դարում, սակայն այդպես էլ մնացել են   գավառամիտ: Իսկ հանրության մեծ մասը արդեն հասկացել է, թե ովքեր են օգտվել  հասարակ մարդկանց ազնիվ մղումներից 2018-ին:

Սա է իրականությունը:

Դավիթ Մկրտչյան