ՀՀ ՄԻՊ-ն արձագանքում է ԱՄՆ-ի «Հայդուկ» ՀԿ-ի հայտարարությանը

«ԱՄՆ Հայդուկ» հասարակական կազմակերպության կողմից տարածվել են հրապարակային տեղեկություններ այն մասին, որ Վանաձոր քաղաքում քարոզչական պաստառները պոկելու համար Ոստիկանության բաժին բերման է ենթարկվել երկու անչափահաս երեխա, ովքեր մոտ հինգ ժամ պահվել են բաժնում, հարցաքննվել առանց օրինական ներկայացուցչի մասնակցության, այնուհետև՝ նրանց ստիպել են հեռուստախցիկի առջև անել հայտարարություն: Ըստ հրապարակված տեղեկությունների` երեխաները վախեցած լինելու պատճառով հրաժարվում են դպրոց գնալ:

Նշված անհանգստացնող տեղեկությունների հիման վրա ՀՀ մարդու իրավունքների պաշտպանի աշխատակազմում սկսվել է սեփական նախաձեռնությամբ հարցի քննարկման ընթացակարգ: Քննարկման շրջանակներում առաջնահերթության կարգով ձեռնարկվում են անհրաժեշտ քայլեր՝ պարզելու համար նկարագրված իրավիճակի հանգամանքները:

Մարդու իրավունքների պաշտպանի աշխատակամ: