Բազմոցին պառկած մարդու աղքատությունը կառավարությունը չի հաղթահարելու. Փաշինյան. Տեսանյութ

Գործադիրի հերթական նիստում ՀՀ վարչապետ Նիկոլ Փաշինյանը խոսել է մարդկանց կյանքը փոխելու ու լավ ապրելու իրենց պատկերացրած բանաձևի մասին։

«Հայաստան են գալիս հաճախորդներ, ովքեր փոքր ու միջին բիզնեսի պոտենցիալ հաճախորդներ են: Մարդիկ գալիս են ոչ թե հինգ աստղանի հյուրանոցներում ապրելու, ամենաթանկ ռեստորաններում սնվելու, այլ գալիս են քայլելու, սար բաձրանալու, գետ տեսնելու, կենդանի տեսնելու ու հունվարի մեկից մենք միկրոբիզնեսը ազատել ենք հարկերից», - ասել նա:

Փաշինյանը շեշտել է, որ է ՀՀ քաղաքացու համար աղքատությունը հաղթահարելու միջոցը աշխատանքն է։

 Ըստ նրա՝ ստեղծվել է բավարար դաշտ ու եթե ինքնակարգավորումներ տեղի չունենան, կառավարությունը որոշակի ստանդարտներ կպարտադրի։

«Մեր խնդիրն է աշխատանքի համար ստեղծել բոլոր հնարավոր պայմանները, էլի կրկնում եմ, բազմոցին պառկած մարդու աղքատությունը կառավարութունը չի հաղթահարելու, էդ մարդը առնվազն պետք է բռնի կառավարության ձեռքը ու վեր կենա բազմոցից»:

Ըստ վարչապետի՝ սպասվում է բավականին բարձր տնտեսական աճ:

«2020 թվականի մեր տնտեսական աճի ցուցանիշը պիտի լինի ավելի լավը, քան՝ 2019 թվականինը», - նշել է նա։

Մանրամասները՝ 24news.am-ի տեսանյութում: