Վրաստանում 40 բերման ենթարկվածներից յոթը կալանավորվել են՝ Բաթումում անկարգությունների հետ կապված (տեսանյութ)

Վրաստանի Ներքին գործերի նախարար Գեորգի Մհեբրիշվիլին հայտարարեց, որ դատարանը 40 բերման ենթարկած անձանցից յոթին վարչական կալանքի է ենթարկել՝ Բաթումում անկարգությունների հետ կապված: 

«Յուրաքանչյուրը, ով մասնակցել է դրան խիստ կպատժվի: Այդ անձանց պարզելու աշխատանքներ են տարվում, քրեական գործ է հարուցվել և հետաքննություն սկսվել: Վարչական խախտման համար յոթ մարդ է կալանավորվել, 40 բերման ենթարկվածներից մնացածը ստորագրությամբ ազատ են արձակվել, սակայն նրանց նկատմամբ վարչական վարույթը չի կասեցվել, և նրանք անպայման կկանգնեն դատարանի առաջ», - հայտարարեց նախարարը «Առաջին ալիքի» ուղիղ եթերում:

Շաբաթ Բաթումում ճանապարհային ոստիկանը վարորդին տուգանել է ճանապարհային կանոնների խախտման գամար: Որոշ ականատեսներ պնդում են, որ ոստիկանը նաև վիրավորել է վարորդին: Վարորդին իրենց աջակցությունը հայտնեցին այդ պահին այնտեղ գտնվող բնակիչները, որոնք էլ իրավապահի հետ վեճի բռնվեցին: Ոստիկանին դիմադրություն ցույց տալու համար վեց մարդ բերման ենթարկվեց: Շուտով պատահարից հետո բողոքի ցույց սկսվեց ճանապարհային ոստիկանության նորանշանակ պետ Մալխաս Բաթիաշվիլիի հրաժարականի պահանջով:

Ներկայում իրավիճակը Բաքումում հանգիստ է: Փոխանցում է «ՌԻԱ Նովոստի»-ն:

Zham.am