«Անդրանիկ Քոչարյանը փոխանցել է, որ լքեմ երկիրը, որովհետև Նիկոլը հրաման է տվել, որ ինձ բռնեն». Ռուբեն Հայրապետյան. Տեսանյութ

Երեկ վաղ առավոտից ՀՀ ոստիկանության հատուկջոկատայինները և 6-րդ վարչության աշխատակիցները խուզարկություն էին իրականացնում ՀՖՖ նախկին նախագահ Ռուբեն Հայրապետյանի տանը: Երեկ երեկոյան հյուրընկալվելով Սաթիկ Սեյրանյանի հեղինակային «Պրեսսինգ» հաղորդաշարին, Ռուբեն Հայրապետյանն ասել է, որ իր տնից տարել են մի քանի փաստաթղթեր ու սեփականության վկայականներ: «Ես ասել եմ՝ հանգիստ կարող եք նայել ու ինչ ուզում եք, տարեք»,- ասել է նա:

Ռուբեն Հայրապետյանը երեկ մեզ տված հարցազրույցում սկանդալային հայտարարություն է արել. Նա ասել է, որ իր նախկին ընկեր, այժմ ԱԺ Պաշտպանության և անվտանգության հարցերով մշտական հանձնաժողովի նախագահ Անդրանիկ Քոչարյանը 10 օր առաջ իր ընկերներից մեկի միջոցով խնդրել է իրեն փոխանցել, որպեսզի վերջինս լքի երկիրը:

«Նույն Անդրանիկ Քոչարյանը, որ իմ նախկին ընկերն է եղել, մի 10 օր առաջ իմ ընկերների միջոցով խնդրել էր ինձ փոխանցել, որ լքեմ երկիրը, որովհետև Նիկոլը հրաման է տվել, որ ինձ բռնեն: Դա անում են, որ ես գնամ, հետո շոու անեն, ասեն՝ ֆեդերացիան թալանել էր, փախավ: Ես այս երկիրն այնքան եմ սիրում, որ ոչ մի տեղ չունեմ գնալու: Ուզում են, թող ձերբակալեն»,- հայտարարել է Ռուբեն Հայրապետյանը:

ՀՖՖ նախկին նախագահ Ռուբեն Հայրապետյանը՝ պատասխանելով Սաթիկ Սեյրանյանի հարցին, թե արդյոք Աննա Հակոբյանի հիմնադրամներից դիմել են դրամական միջոցներ նվիրաբերելու առաջարկով։

«Այո, այդ հիմնադրամներից հաճախակի են դիմում գումարներ փոխանցելու համար: Ես ինքս եմ որոշում՝ որտեղ բարեգործություն անել: Երբեք այդ հիմնադրամներին գումար չեմ փոխանցել, որովհետև նախընտրում եմ ինքս անել բարեգործությունը՝ Դադիվանքը վերակառուցել, որևէ հիվանդի բուժել և այլն», ասել է Ռուբեն Հայրապետյանը:

Մանրամասները՝ 168.am-ի տեսանյութում