ՀՅԴ- խառնակչության փորձի հետևում կանգնած է եղել Փաշինյանի իշխանությունը

Իշխանության մեր աղբյուրների փոխանցմամբ  ՀՅԴ-ի «Նիկոլ Աղբալյան» կուսակցական միության (ՆԱՈՒՄ)-ի շուրջ աղմուկը գեներացվել էր դեռ վաղուց՝ իշխանության գործուն աջակցությամբ:

Նպատակը մեկն էր՝ «ՀՅԴ-ի երիտասարդների մեջ սերմանել հին դաշնակցականների հանդեպ անվստահություն»: Դրա արդյունքում  իշխանությունները հույս ունեին  ՀՅԴ-ի հանդեպ ունենալ որոշակի ազդեցություն: Իշխանության նպատակները հեռահար բնույթ ունեին վերջնաարդյունքում պառակտել այս կառույցը, ինչը որ եղավ ՀՌԱԿ-ի և Հնչակյանների հետ:

Այդպիսի նպատակներ ունեին նաև Տեր-Պետրոսյանի կառավարման ժամանակ: Տեր-Պետրոսյանին հաջողվեց պառակտել ՀՌԱԿ-ին և Հնչակյաններին, սակայն ոչ՝ ՀՅԴ-ին:

Եվ ահա Փաշինյանը իր վրա է վերցրել շարունակելու Տեր-Պետրոսյանի այս գիծը: Հենց այդ հանգամանքով է  պայմանավորված իշխանությունների հռետորական ձևակերպումների տարբերությունները ասենք ՀՀԿ-ի, ԲՀԿ-ի և ՀՅԴ-ի նկատմամբ: Եթե առաջին երկուսի հանդեպ Փաշինյանի վերաբերմունքը միշտ ընդգծված բացասական էր, ապա ՀՅԴ-ի հանդեպ նկատվում էր զգուշավորություն, որպեսզի հնարավոր լիներ «ներսից պայթեցնել այդ կառույցը»:

Սակայն Արայիկ Հարությունյանի «բարեփոխումները» երկընտրանքի առաջ կանգնեցրին ՀՅԴ-ում գործող  երիտասարդ ռեվիզիոնիստներին, և  արդյունքում վերջիններս ստիպված  եղան  «բացահայտվել»:

Ամենածիծաղելին այն էր, որ երեկվա Հ1-ի եթերում հանդես եկող երիտասարդները՝ Վանիկ Չալոյանն ու Անուշ Հովհաննիսյանը,  նույն նախարարի առաջարկությունների հանդեպ տարբեր տեսակետներ ունեին: Եթե Անուշը համարում էր, որ «բողոքի ակցիաները վաղաժամ էին և անհրաժեշտ էր շարունակել կառուցողական երկխոսություն նախարարի հետ», ապա Վանիկը ընդհանրապես  ոչ միայն դեմ չէր այդ առաջարկներին, այլև պարզվեց Արայիկ Հարությունյանի տեսակետների բոցաշունչ աջակիցն էր:

Ստացվել էր շատ ծիծաղելի վիճակ, երբ ուսանողական միության անդամ Անուշը, բացի այդ, պարզվում է արդեն  ուսանողել  չէր, իսկ երիտասարդ դաշնակցական Վանիկի տեսակետները գրեթե ամբողջությամբ համընկնում էին նախարար Արայիկ Հարությունյանի առաջարկների հետ:

Պետք է նշել, որ այս հարցում էլ իշխանությունները ինչպես ասում են «перебор» էին արել, որի արդյունքում էլ այս փոքրիկ պայքարում պարտվեցին:

Հետաքրքիր է այս ամենից հետ բացահայտված ռեվիզիոնիստներին Փաշինյանը կնդունի՞ ՔՊ-ի շարքերում, թե այնտեղ կարծում են, որ «օգտագործված մատերիալն» արդեն պիտանի չի լինի իրենց համար:

Դավիթ Մկրտչյան