Ծառուկյանը արագացրեց Փաշինյանի քաղաքական ոչնչացման հետհաշվարկի ժամացույցը
Երեկվա Ծառուկյանի կողմից բացահայտումները՝ քաղաքապետի պահվածքի վերաբերյալ, իսկական շոկ էր նույնիսկ հանրության «պողոսական» հատվածի համար: Բանն այն է, որ հանրության առավել գիտակից հատվածի մոտ այլև ոչ մի իլյուզիա չի մնացել Փաշինյանի վերաբերյալ: Հանրության այս հատվածն արդեն հասկացել է, որ Փաշինյանն իրեն ամբողջովին սպառել է՝ որպես երկրի ղեկավար: Սակայն հանրության մյուս հատվածը դեռ հույս ուներ, որ երկրում պիտի տնտեսական հեղափոխություն լիներ, ինչը Փաշինյանը խոստացել էր :
Սակայն քաղաքապետարանի «կամազների» այս պատմությունն ու քաղաքապետի կողմից արաբական շեյխերի առաջարկների մերժելն իսկական սառը ցնցուղի էր հանրության համար:
Պարզվեց, որ ներկայիս իշխանությունները վերադարձել են նախկին իշխանությունների գործելաոճին: Դրա վառ օրինակը «կամազների» պատմությունն էր: Իսկ ինչ վերաբերվում է արաբական շեյխերի խնդրին, ապա այս պատմությունը ցույց տվեց մեկ բան: Փաշինյանին պետք են այնպիսի ներդրումներ, որոնք քաղաքական տեսանկյունից իր համար վտանգավոր չլինեն: Սակայն, քանի որ ինքը` Փաշինյանը, չունի բավարար հիմք ներդրումներ խթանելու համար, ապա ստացվում է, որ իրեն տնտեսական հեղափոխություն անհրաժեշտ չէ: Հենց դրա պատճառով էլ Փաշինյանի «հեղափոխական» իշխանությունը գալիք տարվա համար առաջարկել էր խիստ «պահպանողական» բյուջեի նախագիծ:
Ստացվում է, որ հանրության «պողոսական» հատվածի համարել էլ է պարզ դառնում, որ Փաշինյանը նույնիսկ ցանկության դեպքում չի կարող իրականացնել տնտեսական հեղափոխություն:
Այսինքն՝ մարդկանց կենսամակարդակը չի փոխվելու, և պարզ չի լինելու, թե ինչու 2018-ի գարնանը մարդիկ Փաշինյանին բերեցին իշխանության:
Թևավոր ձևակերպմամբ այս հեղափոխության արդյունքում փոխվել է միայն Սամվել Ալեքսանյանի քաղաքական տանիքը և վերջ:
Սակայն, արդյո՞ք դա էր հանրության պահանջը: Այս հարցադրումը միայն հռետորական բնույթ չունի, և մոտ ժամանակներս արդեն Փաշինյանն է հաշվետվություն ներկայացնելու հանրությանը, որովհետև արդեն 10 տարեկան Սամվելիկի հետ սելֆիները Փաշինյանին չեն օգնելու:
Սա է իրականությունը:
Դավիթ Մկրտչյան
Հետևեք մեզ Facebook-ում