Ողջույն, ուժեղներ. Նարեկ Մութաֆյանի հերթական նամակը բանտից

Ողջույն, ուժեղներ:

Սկզբի համար ասեմ, որ շատ լավ եմ, միայն ցավում եմ, որ ձեր կողքին լինելու հնարավորություն չունեմ։ Ժամանակը չի կանգնում։ Ու որքան շատ է անցնում ժամանակը, այնքան ավելի վստահ եմ դառնում, որ մեր գործն արդար է ու ճշմարիտ: Որքան շատ ժամանակ է անցնում, այնքան մոտ ու հնարավոր է դառնում մեր հաղթանակը:
Ափսոսում եմ միայն այն բանի համար, որ այս հաղթական երթի բարդ ճանապարհը ես ձեզ հետ չեմ անցնում՝ ուս ուսի տված: Բայց նաև վստահ եմ, որ այս երթը դուք մինչև մեր վերադարձը կպսակեք հաղթանակով:

Մեկ տարի առաջ, երբ կալանավորվեց նախագահը, ոչ ոք չէր հավատում, որ պայքարն այսպիսի թափ ու ձև կհավաքի: Դրա համար վստահ եմ, որ գաղափարի ու ուրիշ մոտեցում ունեցողների կալանավորումն ու ազատազրկումը չի կարող խոչընդոտել հաղթանակին:
Հիշեք, ընկերներ, լուսաբացից առաջ գիշերն ամենամութն է լինում: Իսկ մեր լուսաբացը շատ մոտ է։
#ՀԱՂԹԵԼՈՒ_ԵՆՔ

Նարեկ Սաքո/Անմեղ բանտարկյալներ ֆեյսբուքյան էջից