Րաֆֆի Հովհաննիսյանը առաջիկա խորհրդարանական ընտրությունների՝ դաշինքով թե առանձին գնալու մասին
Այսօր «Ժառանգություն» կուսակցության նախագահ Րաֆֆի Հովհաննիսյանը Գևորգ Սաֆարյանի դատավարությունից հետո լրագրողների հետ զրույցում, խոսելով առաջիկա խորհրդարանական ընտրությունների մասին տեղեկացրեց, որ հանդիպումներ է ունեցել Սեյրան Օհանյանի և Արամ Սարգսյանի հետ:
«Մենք պատրաստ ենք համագործակցել բոլոր այն ուժերի հետ, որոնք նվիրված են Հայաստանի քաղաքացու ազատության սահմանադրական իրավունքին և մեր երկրի ինքնիշխանությանը», - պարզաբանեց «Ժառանգության» ղեկավարը:
«Բոլորի հետ խոսում ենք անխտիր: Այսօր ես խոսել եմ թե Սեյրան Օհանյանի հետ, թե Արամ Սարգսյանի հետ», - ասաց Րաֆֆի Հովհաննիսյանը, չպարզաբանելով, թե ինչպիսին կլինի այդ քաղաքական ուժի վերջնական որոշումը առաջիկա ընտրություններին՝ դաշինքով թե առանձին կամ ընդհանրապես չմասնակցելու վերաբերյալ:
Ինչ վերաբերվում է Սեյրան Օհանյանի հետ հնարավոր դաշինք կազմելուն, Րաֆֆի Հովհաննիսյանն ասաց. «Օհանյան Սեյրանն ունի պետական շատ կարևոր փորձ, ունի տալիք մեր երկրի համար: Նա ապագա ղեկավար կարող է դառնալ, բայց ոչ մեկ զերծ չէ դատաքննության պահանջից, և դա վերաբերում է բոլորիս»:
Zham.am
Հետևեք մեզ Facebook-ում