ՌԴ քաղաքացիություն ստացածների թվում ՀՀ քաղաքացիներն առաջատար են

Ռուսաստանի միգրացիոն ծառայությունն ամփոփել է այս տարվա միգրացիոն հոսքերը ու հայտնել, որ այս տարի ՌԴ քաղաքացիություն ստացածները 1,5 անգամ ավելի են եղել, քան նախորդ տարվա նույն ժամանակահատվածում։ Մեծ թիվ այդ հոսքում կազմել են հայերը։

Ռուսաստանի քաղաքացիություն ստացած 285 հազարից 17 հազարը եղել է Հայաստանից, այսինքն` շուրջ 6 տոկոսը։

Առաջատարն Ուկրաինան է, որի արևելքի՝ Դոնբասի բնակիչներին ռուսական կողմը նույնիսկ խրախուսում է ստանալ ռուսական անձնագրեր։ Ընդհանուր առմամբ՝ ՌԴ քաղաքացիություն ստացածների մեծագույն մասը նախկին ԽՍՀՄ տարածքից է․

1. Ուկրաինա – 146 հազար,
2. Ղազախստան – 35 հազար,
3. Տաջիկստան – 30 հազար,
4. Հայաստան – 17 հազար,
5. Ուզբեկստան – 14 հազար,
6. Մոլդովա – 11,5 հազար։

Թվարկվածներից բացի, մյուս բոլոր պետությունների միգրանտները միասին կազմել են 31,5 հազար մարդ։

Zham.am