«Մեր դաշինքը կլինի խորհրդարանում և կլինի մեծ կազմով». Ա. Մարտիրոսյան (Տեսանյութ)
Օհանյան-Րաֆֆի-Օսկանյան դաշինքի ներկայացուցիչներ Արմեն Մարտիրոսյանը, Աժ պատգամավորներ Ստեփան Մարգարյանը և Էլինար Վարդանյանն այսօր քարոզարշավից հետո հանդես եկան ամփոփիչ ասուլիսով: Արմեն Մարտիրոսյանն ասուլիսի սկզբում նախ շնորհավորեց բոլոր կանանց մեկամսյակի կապակցությամբ՝ նշելով, որ կանանց մոտ մեկ ամսյակը շատ ավելի հաճելի է, քան իրենց մեկամսյա քարոզարշավը:
Նրա խոսքով մարզային հանդիպումները ցույց տվեցին, ժողովուրդը ինքնահոսի մատնված է և ամենուր կա համատարած արդարության բացակայության զգացում:
«Հուսահատությունը կա ժողովդրի մոտ և կա քաղաքական պրոցեսների նկատմամբ բացասական վերաբերմունք: Դա բնական է, քանի որ տարիներ շարունակ իշխանությունը կեղծ ընդդիմադիրներ է ստեղծել, ովքեր հուսազրկել են իրենց»¸-ասաց նա:
Ըստ նրա՝ ժողովուրդն ակնհայտորեն իշխանությանը դեմ է քվեարկելու: Ձայների մեծ մասը կստանա ընդդիմությունը¸ որոնցից մեծ մասը կգնա հենց ՕՐՕ դաշինքին: «Մեր դաշինքը կլինի խորհրդարանում և կլինի մեծ կազմով»,-նշեց նա:
Մարտիրոսյանը տեղեկացրեց¸ որ ՕՐՕ դաշինքն ունի շրջիկ խմբեր, որոնք քարոզարշավ են իրականացնում:
«Բոլոր կողմերից մենք դրական արձագանք ենք ստանում, հասարակության մոտ մեր նկատմաբ վերաբերմունքը բացասական չէ, ինչպես փորձում են ներկայացնել: Հասարակությունն ի դեմս Օհաննյան դաշինքի տեսնելու է այն այլընտրանքը որը փորձելու է երկիրը դուրս բերել այս իրավիճակից»:
Մարտիրոսյանի բնորոշմամբ իշխանությունը գործում է երեք ճանապարհով:
«Առաջին՝ իշխանությունը համատարած հուսալքության է մատնում ժողովդրին: Երկրորդ՝ փող, որի միջոցով փորձելու են ձայնը գնել և կեղծ սոցիոլոգիական հարցումներ»¸- կարծում է նա:
Հարցին՝ ինչու՞ քարոզարշավին չի մասնակցում Րաֆֆի Հովհաննիսյանը¸ Արմեն Մարտիրոսյանը նշեց¸ որ այս պահին նա ԱՄՆ-ում է գործնական հանդիպումների պատճառով¸ բայց ցանկացած պահին կարող է միանալ իրենց:
Ստեփան Մարգարյան էլ նշեց¸ որ իրենց առաջարկած ծրագրով՝ «365 օր»-ով հասարակությունը զգալու է ակնհայտ փոփոխությունը:
«Վստահ հայատարում են, որ մեկ տարվա ընթացքում երկիրը փոխվելու է: Ծրագիրը շատ իրատեսական է և ընդգրկում է բոլոր խնդիրներն ու առաջարկում է դրանց լուծումները»¸-ասաց նա և հավելեց».
«Մենք վստահ ենք¸ որ հասարակությանը կկարողանանք համոզել, որ սա շատ կարևոր ընտրություն է: Մենք վստահ ենք, որ հասարակության մեջ կա մի զանգված, ով որոշողն է լինելու և ինչքան էլ փող բաժանեն, ինքը տեր է կանգնելու իր ձայնին»:
Էլինար Վարդանյան էլ իր հերթին կարևորեց իրենց ծրագրի արդյունավետությունը՝ նշելով¸ որ քաղաքացին մեկ տարվա ընթացքում կզգա իրական փոփոխություն:
Ինչ վերաբերվում է մարզային այցերին¸ ապա նրա խոսքով համատարած արդարության բացակայությունն է, որ դառնում է արտագաղթի պատճառ:
Անի Շաբոյան
Հետևեք մեզ Facebook-ում