Սաակաշվիլին հերթական հակահայկական հայտարարությամբ է հանդես եկել

Վրաստանի նախկին նախագահ, Ուկրաինայում Օդեսայի նախկին նահանգապետ Միխեիլ Սաակաշվիլին մեկնաբանել է այն տեղեկատվությունը, որ իբր նա հայտարարել է, որ «Նախիջևանը և Կուր-Արաքսի ավազանը պետք է վերադարձվի Հայաստանին»: 

«Ադրբեջանը՝ Վրաստանի ռազմավարական գործընկերն է: Ոչ մի սադրանք չի կարող խաթանել մեր ընկերական, եղբայրական հարաբերությունները մեր ժողովուրդների միջև», - մեջբերում է «Minval.az»-ը Սաակաշվիլիին: 

Սաակաշվիլին նաև հայտարարել է, որ իր նախագահության տարիներին և դրանից հետո նա մեկ դիրքորոշում է ունեցել Կովկասում հակամարտությունների վերաբերյալ: 

«Ես այսօր էլ նույն դիրքորոշմանն եմ: Ոչ մեկ անգամ եմ ընդգծել իմ ելույթներում, որ այդ հակամարտությունների արդար կարգավորումը ենթադրում է վերադարձ՝ Հարավային Օսիան և Աբխազիան Վրաստանին, Ղարաբաղը՝ Ադրբեջանին, Ղրիմը՝ Ուկրաինային», - ասաց նա:

Նա նաև նշել է, որ Ադրբեջանի նախագահ Իլհամ Ալիևին իր եղբայրն է համարում: 

 Zham.am