«Կեչառիս» հյուրանոցն ու «Փինկ Արմենիա»-ն չեն հերքում, որ Ծաղկաձորում ԼԳԲՏ ֆորում է անցկացվել

Ծաղկաձորի «Կեչառիս» հյուրանոցն ու «Փինկ Արմենիա» հասարակական կազմակերպությունը զերծ են մնում պատասխանել՝ արդյոք Ծաղկաձորում ԼԳԲՏ ֆորում է անցկացվել։

Aysor.am-ը երեկ կապ հաստատեց «Կեչառիս» հյուրանոցի պատասխանատուի հետ, վերջինս ասաց, թե այդ հարցին կպատասխանի մի-փոքր ուշ։ Ավելի ուշ զանգահարեցինք, ասաց, թե այս պահին հարմար չէ։

Այսօր ևս զանգերն անպատասխան մնացին։ Հյուրանոցի ադմինիստրացիայից փոխանցեցին, թե իրենք իրավասու չեն պատասխանել հարցին, իսկ պատասխանատուներն աշխատանքի չեն եկել։

«Փինկ Արմենիա»-ից էլ Aysor.am-ին ասացին, թե այս պահին նպատակահարմար չեն գտնում հարցին պատասխանել։

«Կազմակերպությունը ընդհանուր տեղեկություններ կհրապարակի, մեր կայքում կարող եք հետևել։ Մոտ օրերս ամբողջ տեղեկությունը կհրապարակենք, այս պահին նպատակահարմար չենք գտնում պատասխանել։ Շնորհակալություն»,-ասացին կազմակերպությունից:

Ավելի վաղ Politik.am-ը գրել էր, որ 2019-ի նոյեմբերի 9-ից 10-ը Ծաղկաձորի «Կեչառիս» հյուրանոցում տեղի է ունեցել ԼԳԲՏ ֆորում: «Ծիածան» խորագրով ֆորումը կազմակերպել է «Փինկ Արմենիա» հասարակական կազմակերպությունը, որը զբաղվում է միասեռականների խնդիրներով:

Politik.am-ի աղբյուրի փոխանցմամբ՝ «այդ երկու օրերին գրեթե ողջ հյուրանոցը զբաղեցրել են տրանսվեստինտներ՝ ԿԳՆ նախարար Արայիկ Հարությունյանից ընդունելություն արժանացած հանրահայտ Կարաբինայի գլխավորությամբ: Տրանսվեստիտները ողջ օրը աղմկել են ու զանազան միջոցառումներ իրականցրել, իսկ սրահի մուտքը, որտեղ նրանք սովորաբար հավաքվել են, հսկվել»: