Ռոբերտ Քոչարյանի հիմնական երեք մեսիջները

ՀՀ 2-րդ նախագահի այսօրվա հարցազրույցը Sputnik-ին հիմնականում վերաբերվում էին երեք հիմնական խնդիրներին, որոնց մասին այսօր ամենաշատն է խոսում  հանրությունը:

Առաջին խնդիրը  Հայաստանի այսօրվա աշխարհաքաղաքական խաչմերուկում հայտնված  վիճակի մասին էր: Նախագահն նշեց, որ անթույլատրելի է երկիրն դարձնել դրսի ուժերի պայքարի դաշտ: Միաժամանակ նշելով, որ այսօրվա համաշխարային գործընթացները ցույց են տալիս, որ տարածաշրջանային խաղացողների դերն ու նշանակությունը էապես մեծացել է:

Սիրիայում քրդական հարցի հանգուցալուծումը ցույց տվեց, որ Թուրքիային զսպելու գրեթե միակ գործոնը տարածաշրջանում մնացել է Ռուսաստանը: Եվ ուրեմն այս իրավիճակում Մոսկվային ավելորդ գրգռել տարատեսակ հակառուսական ներկայացումներով  կարող են լրջորեն վնասել Հայաստանին:

Նախագահի հարցադրումների երկրորդ մասը վերաբերվում էր արդեն երկրի քաղաքական դաշտի վերլուծությանը: Շարունակելով իր նախորդ հարցադրման փիլիսոփայությունը՝ ՀՀ 2-րդ նախագահն նշեց, որ այսօրվա իշխանությունը հիմնականում բաղկացած է ամերիկյան ֆոնդերով վարժված գործիչներից, որոնք անկեղծորեն չեն վստահում Մոսկվային, սակայն ստիպված են հաշվի առնել այսօրվա Հայաստանի բնական շահերը: Եվ այդ իմաստով այսօրվա իշխող վերնախավը քաղաքական և գաղափարական տեսանկյունից երկփեխկվել է: Ըստ Քոչարյանի՝ այս իրավիճակը երկար չի կարող տևել, քանզի այս անվստահության մթնոլորտը միայն խորանալու միտում կարող է ունենալ,  ՀՀ 2-րդ նախագահը ակնարկում է, որ  այն երկկողմանի բնույթ ունի:

Քոչարյանի երրորդ հարցադրումը  ներկայիս ղարաբաղյան խնդրի վիճակն է, որը լուրջ մտահոգում է նրան,  քանզի, ըստ Քոչարյանի, Հայաստանի այսօրվա պահվածքը  հիմք է տալիս ադրբեջանական կողմին մեզ մեղադրել ոչ կոնստրուկտիվ դիրքորոշման մեջ, դրանից բխող հետևանքներով: Իսկ եթե դա հաջողվի  Բաքվին, ապա սև-սպիտակի բաժանված Հայաստնաը կարող է վնասներ կրել այդ պատերազմում:

Ըստ էության Ռոբերտ Քոչարյանը նշեց բոլոր այն մտահոգությունները որոնք առկա են հանրության առավել լուրջ հատվածի մոտ: Եվ հանրության այդ տիրույթը օր օրի մեծանում է: Քանզի իշխանությունը իր անխոհեմ քայլերով  օր օրի բացահայտում է իր իրական դեմքը լինի կրոնի, լեզվի դասավանդման հարցը, թե Ղարաբաղի հարցում հակասական տեսակետներով հանդես գալը: Մարդիկ սկսում են ինտուիտիվ  հասկանալ, որ այս իշխանությունը  որոշ հարցերում ոչ կոմպետենտ է, իսկ որոշներում էլ ունի հստակ պատկերացումներ, որոնք Հայաստանի շահերի հետ խիստ անորոշ հայտարար ունեն:

Սա է իրականությունը:

Արտակ Հակոբյան