Արման Բաբաջանյանը, հերքելով «Հրապարակին», փաստացի հաստատեց, որ նոր ուժ է պատրաստվում ձևավորել
Այսօր «Հրապարակը» լուր էր տարածել այն մասին, որ «ստուկաչությամբ» արդեն հայտնի դարձած Արման Բաբաջանյանը պատրաստվում է նոր քաղաքական ուժ ձևավորել: Եվ նույնիսկ դրա համար, ըստ թերթի, «... գրասենյակ է փնտրում, մարդկանց հետ է հանդիպում: Ամենայն հավանականությամբ, մինչև տարեվերջ նա կհայտարարի կուսակցություն ստեղծելու մասին, որտեղ կտեսնենք նաեւ իշխանության ներկայացուցիչների...»:
Թերթը նույնիսկ հայտնել էր անուններ, ովքեր պատրաստվում են անդամակցել նոր ստեղծվելիք կուսակցությանը: Խոսվում էր մասնավորապես առողջապահության նախարար Արսեն Թորոսյանի, «Իմ քայլի» պատգամավոր Վարազդատ Կարապետյանի մասին:
Եվ ահա արձագանքեց այս լուրին անձամբ Բաբաջանյանը: Նշելով, որ «... «Հրապարակի» տեղեկատվությունը որևէ աղերս չունի ոչ միայն իրականության, այլև քաղաքական տրամաբանության հետ...», Բաբաջանյանը փաստացի հաստատեց, որ «... խորհրդարանից դուրս մի շարք պրոֆեսիոնալ անհատների հետ շարունակում է քաղաքական նոր նախաձեռնության շուրջ շատ նախնական քննարկումները...»:
Այսպիսով կարող ենք արձանագրել, որ ԼՀԿ-ից դուրս գալը պատահական չէր և այս անձնավորությունը փորձելու է իր ծառայությունները իշխանություններին մատուցել հետագայում, որպես ոչ թե անհատ պատգամավոր, այլ որպես «քաղաքական ուժի» ներկայացուցիչ: Բնականաբար դրանից բխող բոլոր տեսակի «ստուկաչությունները» ներկայացվելու է որպես «հանրության պահանջ»:
Ինչպես ասում են, ամեն մի ժամանակ իր հերոսներին է ծնում: Փաշինյանի կողմից ստեղծած այս կեղտոտ մթնոլորտը չէր կարող նոր դեմքերի ի հայտ չբերել: Ինչպես որ Իոսիֆ Ստալինի կողմից առաջ բերած 37 թվականի մթնոլորտը չէր կարող ողջ երկրով մեկ «ստուկաչների նոր դասակարգ չծնել»:
Հենց այդ ժամանակ է հանրության հատակի տակ նստած կեղտը բարձրանում վերև: Որի արդյունքում երկիրն ու ժողովուրդը մեծ վնասներ են կրում: Այդպես էր Չինաստանում խունվեյբինների ժամանակ, Գերմանիայում հրեաների հետապնդման ժամանակ:
Փաստորեն ներկայիս իշխանությունը իր տեղացի խունվեյբինների գործնեությունից դժգոհ է: Որի պատճառով էլ առաջացել է «նոր խունվեյբինների» ստեղծման անհրաժեշտությունը:
Սա է իրականությունը:
Դավիթ Մկրտչյան
Հետևեք մեզ Facebook-ում