Մրցույթ՝ տարվա երիտասարդական մայրաքաղաք Չարենցավան քաղաքում գործող երիտասարդական ՀԿ-ների համար

ՀՀ սպորտի և երիտասարդության հարցերի նախարարությունը Հայաստանի Հանրապետության 2017 թվականի երիտասարդական մայրաքաղաք հռչակված Չարենցավան քաղաքում գործող երիտասարդական ՀԿ-ների համար հայտարարում է դրամաշնորհային մրցույթ` Չարենցավանում ծրագրեր իրականացնելու նպատակով:

Դրամաշնորհների չափը մինչև 500 000 ՀՀ դրամ է: Ներկայացվելիք ծրագրերի առաջնայնությունները պետք է համապատասխանեն ՀՀ Կառավարության 2012 թվականի դեկտեմբերի 27-ի № 1693-Ն որոշմամբ հաստատված 2013-2017 թվականների երիտասարդական պետական քաղաքականության ռազմավարության գերակայություններին՝

•քաղաքական, տնտեսական, մշակութային կյանքին երիտասարդների մասնակցության գործընթացների խթանում,
•երիտասարդների զբաղվածության և սոցիալ-տնտեսական հիմնախնդիրներ,
•երիտասարդների շրջանում առողջ ապրելակերպի խթանում,
•երիտասարդների հոգեւոր-մշակութային արժեքների զարգացում և ռազմահայրենասիրական դաստիարակություն,
•կրթության շարունակականություն և ոչ ֆորմալ կրթության ճանաչելիություն:

Մրցութային հայտերն ընդունվում են 2017 թվականի մարտի 3-ից 17-ը ներառյալ: Ծրագրի մեկնարկը պետք է նախատեսել ոչ շուտ, քան 2017 թվականի ապրիլի 1-ը, իսկ ավարտը` ոչ ուշ, քան 2016 թվականի դեկտեմբերի 10-ը:

Դիմումներն անհրաժեշտ է հասցեագրել ՀՀ սպորտի և երիտասարդության հարցերի նախարարի տեղակալ, «Հայաստանի Հանրապետության տարվա երիտասարդական մայրաքաղաք» մրցույթի կազմկոմիտեի նախագահ Արսեն Քարամյանին և տպագիր ու էլեկտրոնային տարբերակներով ներկայացնել ՀՀ սպորտի և երիտասարդության հարցերի նախարարություն (ք. Երեւան, Աբովյան 9):