Լավրովը ադեկվատ պատասխան տվեց ադրբեջանցի լրագրողի՝ ԼՂ-ում պատերազմ սկսելու մասին հարցին

Քաղաքագետ Սերգեյ Մինասյանը կարծում է, որ Ռուսաստանի արտգործնախարար Սերգեյ Լավրովը բավականին ադեկվատ պատասխան տվեց այսօր կայացած մամուլի ասուլիսի ժամանակ ադրբեջանական Lidertv հեռուստաընկերության լրագրողի՝ Ղարաբաղի վերաբերյալ հարցին:

Հիշեցնենք, որ լրագրողը հարցրեց, թե թե ինչպիսին կլինի Ռուսաստանի դիրքորոշումը, կփակի արդյո՞ք աչքերը և կխառնվի Ադրբեջանի ներքին գործերին, եթե Ադրբեջանի կողմից Լեռնային Ղարաբաղում հակաահաբեկչական, «օկուպացիոն ուժերից» և կրիմինալ էլեմենտներից մաքրելու գործողություն սկսվի:

«Ես կարծում եմ՝ բավականին ադեկվատ է պատասխանել: Նա նշել է, որ դա չի հանդիսանում միայն Ադրբեջանի ներքին գործ և նաև նշել է, որ կա և´ իրավական և´ պայմանագրային փաստաթղթերի բլոկ, որոնք պահանջում են այդ հակամարտության բացարձակապես խաղաղ լուծումը, ինչը նաև վերաբերում է կարգավիճակի վերջնական և տարածքների հետ կապված որոշմանը: Ես կարծում եմ լիովին համապատասխանում է ԵԱՀԿ Մինսկի խմբի արտգործնախարարի պատասխանին»,-Zham.am-ին ասաց քաղաքագետը:

Նշենք, որ Լավրովն իր խոսքում օգտագործեց նաև «օկուպացված տարածքներ» արտահայտությունը: Սա ըստ Մինասյանի անհանգստության տեղիք չպետք է տա, քանի որ դ չի վերաբերում տարածքների պատկանելիությանը:

«Տարածքների հարցը հանդիսանում է Մադրիդյան սկզբունքների անբաժանելի մասը նույն ձևով ինչպես Լեռնային Ղարաբաղի կարգավիճակի լուծումը: Եվ Լավրովը դա նշել է, որ տարածքների հարցը լուծվելու է միայն կարգավիճակի հարցը լուծելուց հետո:

Օկուպացված խոսքը անգլերեն լեզվով նշանակում է գրավված և հայկական զորքերըը դա գրավել են 1992-1994 թվականներին: Բայց դա չի վերաբերում պատկանելիությանը, որովհետև նույն ձևով ադրբեջանցիք ասում են, որ օկուպացված է ոչ միայն Լեռնային Ղարաբաղը: Այդտեղ ես խնդիր չեմ տեսնում բառերի առումով»:

Քաղաքագետը նշեց, որ իր համար կարևոր է քաղաքական տրամաբանությունը, որն ըստ նրա համահունչ է մադրիդյան սկզբունքների տրամաբանությանը:

Անի Շաբոյան

Լուսանկարը՝ PanArmenian-ի

Zham.am