Ազատ դեմոկրատները» քարոզարշավը կսկսեն DoubleTree By Hilton-ից

«Հրապարակ» օրաթերթը գրում է. ««Ազատ դեմոկրատները» քարոզարշավը կսկսեն դահլիճային հանդիպմամբ՝ նախընտրական ծրագիրը կներկայացնեն երեւանյան ամենաթանկ հյուրանոցներից մեկում՝ նորաբաց DoubleTree By Hilton-ում:

Հրավիրված են հայտնի մարդիկ, «մեր համակիրները»՝ ասացին: Կուսակցություններից չեն հրավիրվել ՀՀԿ-ն եւ կեղծ «ընդդիմադիր» ուժերը: Ովքե՞ր են «կեղծ»` հարցին պատասխան չհնչեց: Իսկ ինչո՞ւ, այնուհանդերձ, միասին չգնացին արեւմտամետի համբավ ունեցող մյուս ուժի՝ «Ելքի» հետ, միստր Միլզին «դնելով» երկընտրանքի առաջ, «Ազատ դեմոկրատների» մեր զրուցակիցն ասաց. «Պարոն Միլզը որեւէ կապ չունի ու չի կարող ունենալ հայաստանյան նախընտրական գործընթացների հետ»:

Դուք երկընտրանքի առջեւ եք դրել նաեւ ձեր ընտրողներին, որոնք արեւմտյան-լիբերալ արժեքների կրողն են: «Վերապահում ունեմ Ձեր ասածին. երբ մենք ԱԺ արտաքին հարաբերությունների մշտական հանձնաժողովի «դատին» էինք ներկայացրել Հայաստանի` ԵԱՏՄ-ից դուրս գալու օրինագիծը, հանձնաժողովում այդ նախագծին խիստ բացասական մոտեցում հանդես բերեց Նիկոլ Փաշինյանը. եզրակացություններն ինքներդ արեք»: