Իրանի «բարոյականության ոստիկանությունը» աշխատել է նաև հեռուստաալիքներում՝ «Օսկար»-ը ցուցադրելիս (տեսանյութ)

Իրանում որոշել են «պայքարել»  «Օսկար»-ի մասնակիցների անկեղծ զգեստների դեմ: Հեռարձակման ժամանակ իրանական հեռուստաալիքները փակել են դերասանուհի Շարլիզ Թերոնի մարմնի բաց հատվածները, որը հայտարարում էր օտարալեզու «Լավագույն ֆիլմ» անվանակարգի հաղթողներին:

Գրաքննության է ենթարկվել նաև Անուշե Անսարին, որն արձանիկը ստացավ իրանցի ռեժիսոր Ասգար Ֆարհադի փոխարեն, որը ներկա չէր արարողությանը: Նրա մարմնի բաց հատվածները նույնպես փակել են:

Փակված կադրերով տեսանյութն իր «Ֆեյսբուքում» հրապարակել է «Իմ գաղտնի ազատությունը» շարժման հիմնադիրը: Իրավապաշտպանները պայքարում են ձևավորված ավանդույթի դեմ, որը կնոջից պահանջում է գլուխը ծածկել գլխաշորով: Իրանում ներկայում գործող օրենքը չի թույլատրում յոթ տարեկանից բարձր իգական սեռի ներկայացուցիչներին մարմինը մերկացնող զգեստներ կրել, հիշեցնում է «Россия 24»-ը:

Zham.am