Հայաստանում բենզինը կարող է կրկին թանկանա՞լ

Ինչպես հայտնի է, այսօր բենզալցակայաններում «ռեգուլյար» տիպի բենզինի մեկ լիտրն արժե 330 դրամ: Կարելի է ասել, որ վերջին մեկ տարվա ընթացքում այն նվազել է ավելի քան 25 տոկոսով:

Հասարակության մեջ լայն դժգոհություն կար բենզինի գնի հետ կապված, քանի որ Հայաստանում բենզինը թանկ էր հարևան Վրաստանից մոտ 50 տոկոսով: Մինչդեռ, նախկինում Հայաստանում և Վրաստանում բենզինի գները գրեթե նույնն էին:

Սակայն Վրաստանում վերջերս լարիի արժեզրկումից հետո բենզինի գինը հարևան հանրապետությունում բարձրացավ մոտ 15 տոկոսով: Եվ ահա, վերջերս որոշում կայացվեց բարձրացնել բենզինի ակցիզային դրույքաչափը, որի արդյունքում բենզինի գինն այսօր Վրաստանում կրկին ավելացել է մոտ 10-15 տոկոսով, և այսօր հարևան Վրաստանում «ռեգուլյար» տիպի բենզինի մեկ լիտրն արժե մոտ 360 դրամ: Այսինքն, ներկա փուլում առաջացել է պարադոքսալ իրավիճակ, երբ Հայաստանում բենզինի գինն ավելի էժան է, քան Վրաստանում: Թե ինչ կլինի այս շուկայում ընտրություններից հետո, դժվար չէ կռահել:

Zham.am