«Ռեյտինգային ռումբ» Հայաստանի տակ. (Տեսանյութ)

Նախընտրական պայքարը դեռ մեծ թափ չի հավաքել¸ սակայն արդեն հիմա մենք կարող ենք տեսնել այն բացասական երևույթները¸ որոնք ի հայտ են եկել նոր ընտրակարգի և նոր ընտրական օրենսգրքի պատճառով: Ինչպես հայտնի է¸կուսակցությունները բացի համամասնական ցուցակից պետք ներկակայցնեն այսպես կոչված ռեյտինգային ցուցակ¸ որում պետք է ներառված լինեն առնվազ 5-ական պառտգամավոր 13 ընտրատարածքներում:

Ռեյտինգայհին ցուցակները հանգեցրել են նրան¸ որ նույն կուակցությունը ներկայացնող անձինք ստիպված են միմյանց հետ մրցել¸ որպեսզի Ազգային ժողովում ունենան իրենց հասանելի մանդատը: Սա իր հերթին հանգեցրել է նրան¸ որ միմյանց են ծեծում նույն կուսակցության ներակայացուցիչները: Մասնավորապես՝ Հանրապետական Մուրադ Մուրադյանի և Արայիկ Գրիգորյանի կողմանկիցները ծեծել են միյանց Մասիսում¸ դրանից առաջ բախում է տեղի ունեցել Քանաքեռ-Զեյթուն¸ Ավան թիվ 1 ընտրատարածքում¸ որտեղ առաջադրված են Հանրապետական կուսակցությունից օֆշորների մեծ մասնագետ¸ ԴԱՀԿ նախկին պետ Միհրան Պողոսյանը և Տարոն Մարգարյանի աներորդի Ռոբերտ Սարգսյանը:

Որքան մոտենա ընտրությունների օրը¸ այնքան ավելի է լարվելու իրավիճակը և նմանօրինակ բախումները միայն ավելանալու են¸ ինչն էլ իր հերթին կբերի նրան¸ որ հասարակության տարբեր շրջանակների միջև կմեծանա անջրպետը և կավելանա համատարած ատելության և գաղջի մթնոլորտը:

Արդյո՞ք այս ամենը չէր գիտակցում իշխանությունը ռեյտինգային ընտրակարգը մտցնելուց առաջ: Իհարկե գիտակցում էր¸ բայց այլ ելք՝ տոկոս խփելու համար չուներ¸ որովհետև փորձը ցույց է տալիս¸ որ մեծամասնականով առաջադրված Հանրապետականները իրենց համար կարողանում էին ձայն բերել¸ սակայն Հանրապետականը համամասնական ցուցացկով գրեթե բոլոր մեծամասնական ընտրատարածքներում անընդհատ պարտվում էր ընդդիմությանը: Իսկ հիմա¸ ռեյտինգային ընտրակարգը մտցնելով¸ բոլոր ձայները¸ որոնք կգնան հանրապետականից առաջդրված թեկնածուների համար¸ կգուամրվեն ՀՀԿ-ի այն ձայներին¸ որոնք կուսակցությունը կսատանա համամասնական ընգրակարգով:

Ռեյտինգային համակարգը ներառվել է անձամբ Սերժ Սարգսյանի ցանկությամբ և հրահանգով և սա հաշվի առնելով՝ առավել ծիծաղելի է դառնում հանրապետականների այն հայտարարությունները¸ թե Սերժ Սարգսյանը ռեյտինգայիններին հաձնարարել է կռիվ- դավ չանել¸ մաքուր ընտրություն անցկացնել¸ որ աշխարհը տեսնի դեպի մաքուր ընտրություն ենք գնում: Այս մասին Հանրապետականները ասում էին փետրվարի 25-ին¸ երբ Սերժ Սարգսյանը բոլոր ռեյտինգային թեկնածուներին հավաքել էր Մելիք Ադամյանում:

Այս պահին կարելի է միանշանակ մեկ բան ասել՝ ինչքան մոտենան ընտրությունները¸ այնքան էլ ավելի կշատանան ծեծուջարդերն ու ծեծկռտուքները և Հանրապետությունով մեկ էլ ավելի կլարվի մթնոլորտը: Սակայն այս ամենը չի հետաքրքրել և չի հետաքրքրելու Սերժ Սարգսյանին: Նրա խնդիրը այս ընտրություններում ինչպես և բոլոր համապետական ընտրությունների ժամանակ եղել է մեկը՝ ամեն գնով պահել սեփական իշպանությունը:

Ընդդիմության հաջողության պարագայում առաջին բաներից մեկը¸ որ պետք է փոխվի մեր երկում¸ դա պետք է լինի այս խայտառակ ընտրակարգի վերացումը¸ քանզի մենք մարտադաշտի վերածելու հայրենիք չունենք:

Արմեն Միքայելյան