Այսօր թարգմանիչ, գրող, հրապարակախոս Սամվել Մկրտչյանի ծննդյան օրն է

Այսօր թարգմանիչ, գրող, հրապարակախոս Սամվել Մկրտչյանի ծննդյան օրն է: Ծնունդով գյումրեցի` Սամվելը կյանքից հեռացավ իր քաղաքի համար խորհրդանշական դարձած տխուր մի օր` դեկտեմբերի 7-ին (2014թ.), բայց 55 տարում հասցրեց հսկայական ժառանգություն թողնել թե' Գյումրուն, թե' Հայաստանին ընդհանրապես:

Անգլալեզու ամենաբարդ և պահանջկոտ գրականության թարգմանությունները հայալեզու գրադարանը հարստացրին այնպիսի գրքերով, որոնք միայն Սամվելի համարձակության, լեզվի ամենանուրբ զգացողության և անվերջ պրոֆեսիոնալիզմի շնորհիվ կարող էին հայերեն դառնալ:

Հայ պոետների գործերն անգլերեն թարգմանելու գործը նույնպես նրա կարևոր առաքելություններից էր: Կյանքի վերջին տասնամյակում հրատարակած Արտասահմանյան գրականություն ամսագիրը և թարգմանված տարբեր մատենաշարերը Սամվելի նվերն էին իր իսկական, շնորհակալ, գնահատող ընթերցողին: Սամվելի ծննդյան օրը հայ ընթերցողի տոնացույցի օրերից է, նրա` մեզ արած նվերների շնորհիվ Սամվելը միշտ ներկա կլինի իր հարազատ միջավայրում:

Zham.am