Վտանգ և նահանջ (Տեսանյութ)

ՀՀԿ Գործադիր մարմնի նիստից հետո ՀՀԿ մամուլի քարտուղար Էդուարդ Շարմազանովը լրագրողներին ասաց, որ ՀՀԿ-ի նախնական քարոզչությունն ընթանալու է «Անվտանգություն եւ առաջընթաց» կարգախոսով:

Իր իշխանավորման 9 տարիների ընթացքում Սերժ Սարգսյանը կարողացել է բոլորին ապացուցել¸ որ նրա և նրա կուսակցության կարգախոսները երբեք իրականության հետ կապ չեն ունեցել և երբեք էլ չեն իրագործվել: «Առա՛ջ Հայաստան», «Ապահով Հայաստան», «Հավատանք, որ փոխենք» կարգախոսների արդյունքում մենք ունեցանք անապահով Հայաստան¸ որտեղ առաջ են ընթանում միայն Սերժ Սարգսյանի նեղ շրջապատի բիզնեսները¸ իսկ մարդիկ էլ վերջնականապես հավատացել են¸ որ սեփական կյանքը փոխելու միակ հնարավորությունն արտերկրում է և տուն-տեղ թողնելով՝ այս իշխանությունից փախչում են ինչպես «Իսպանկա» գրիպից:

Իսկ եթե խոսենք ոչ թե էմոցիաների¸ այլ փաստերի լեզվով¸ ապա կարող եք արձանագրել հետևյալը. վերոնշյալ կարգախոսների տակ իշխանության եկած Սերժ Սրագսյանի և նրա կւասկցության անարդյուանետ գործունեության արդյունքում 2008 թվականից ի վեր Հայաստանից արտագաղթել է ավելի քան 355 հազար քաղաքացի: Եվ սա միայն պաշտոնական թվերն են: Ոչ պաշտոնական տվյալներով՝ ավելի քան կես միլիոն:

Սերժ Սարգսյանի կառավարման տարիներին արտաքին պարտքը մոտ 1.4 միլիարդ դոլարից հասցվել է ացվելի քան 6 միլիարդի: Դոլարային արտահայտությամբ Հայաստանի այսօրվա և նախորդ 9 տարիների պետական բյուջեն չի հասել 2008 թվականի տվյալներին:

Սա «առաջընթացի» մասին: Իսկ հիմա անվտանգության մասին: Սերժ Սարգսյանի կառավարման օրոք մենք ունեցանք 800 հեկտար «անպետք¸ անմշակ և ամայի» տարածքների կորուստ ինչն իր հերթին նաև այն բանի պատճառով էր¸ որ վերջին տարիների ընթացքում Ադրբեջանը 20 անգամ ավելի շատ է զենք գնել¸ քան Հայաստանը: Հրապարակված տվյալների համաձայն՝ 2012 թվականից ի վեր Ադրբեջանն ակտիվորեն զինվում էր¸ իսկ Հայաստանի իշխանությունը այդ նույն տարիների ընթաքցքում ակտիվորեն զբաղված էր կամիր գծեր գծելով¸ արագաչափերի քանակն ավելացնելով:

Այս թվերի պարագայում խոսել ինչ-որ անվտանգության կամ առաջընթացի մասին¸ նշանակում է ծաղրել սեփական ժողովրդին՝ կարծելով¸ թե նա անգամ հիշողություն չունի: Սերժ Սարգսյանի և ՀՀԿ-ի համար միշտ գոյություն է ունեցել ընդամենը հետևյալ հարցը՝ ապահովել սեփական իշխանության անվտանգությունը¸ առաջընթաց ապահովելով «տոկոս խփելու» գործընթացում:

Արմեն Միքայելյան

Լուսանկարը՝ Panorama.am-ի: