Ա. Թարխանյանի հեղինակած կառույցները պետք է պահպանել և փոխանցել հաջորդ սերունդներին
Այսօր լրանում է ճարտարապետ Արթուր Թարխանյանի ծննդյան 85 -ամյակը:
Պատիվ եմ ունեցել դեռևս 80-ականների սկզբում Պոլիտեխնիկական ինստիտուտի Արդյունաբերական և քաղաքացիական շենքերի ճարտարապետության ամբիոնում աշխատել նրա հետ՝ որպես ամբիոնի ասիստենտներից մեկը:
Հետագայում ևս նրա հետ աշխատանքային շփումների բազմաթիվ առիթներ եմ ունեցել:
Տաղանդաշատ ճարտարապետ, ոլորտի մասնագիտական խորը գիտելիքներ ունեցող ղեկավար, բարձր մտավորական և արվեստագետ, պարզապես բարի և առաքինի անձնավորություն:
Նա իր գործընկերների հետ (Հ. Պողոսյան, Ս. Խաչիկյան) ծանրակշիտ ներդրում ունեցավ հայ ճարտարապետության զարգացման գործում:
Միայն Ծիծեռնակաբերդում կառուցված Եղեռնի հուշահամալիրը
(համահեղ. Ս. Քալաշյան) արդեն իսկ դարձել է մեր քաղաքի ինքնության վառ խորհրդանիշերից մեկը:
Լավագույնը, որ մենք կարող ենք անել, նրա հեղինակությամբ իրականացված կառույցները պահպանելն ու հաջորդ սերունդներին փոխանցելն է:
Նարեկ ՍԱՐԳՍՅԱՆ
Հետևեք մեզ Facebook-ում