Սերժ Սարգսյանն ուզում է լինել վարչապետ՝ ավելի լայն լիազորություններով, քան այժմ ունի նախագահը(տեսանյութ)

Փետրվարի 20-ին Զինված ուժերի ղեկավար կազմի օպերատիվ հավաքի մասնակիցների հետ հանդիպման ժամանակ Սերժ Սարգսյանը մի շարք ուշագրավ արտահայտություններ է արել¸ որոնցից պարզ է դառնում, թե ինչ ծրագրեր նա ունի 2018 թ. ապրիլից հետո:

Խոսելով կիսանախագահական կառավարման համակարգում գոյություն ունեցող յուրահատկությունների մասին՝ Սերժ Սարգսյանը ընդգծել է¸ որ Ֆրանսիայում, որը ևս կիսանախագահական հանրապետություն է, պատմականորեն ձևավորվել է «համակեցություն» տերմինը: Դա այն իրավիճակն է, երբ երկրի նախագահը ներկայացնում է մի կուսակցություն, իսկ վարչապետը և Ազգային ժողովի մեծամասնությունը՝ մեկ այլ քաղաքական ուժ:

«Երկար քննարկումներից հետո մենք հանգեցինք այն եզրակացությանը, որ մեզ համար նման «համակեցություն» ձևավորելը շատ երկարատև պրոցես է և, կներեք, բայց մեզ համար, ցավոք սրտի, դեռևս անիրականանալի: Բոլորդ էլ գիտեք, որ կիսալուծումները սովորաբար պարտադրված և ամենավատ լուծումներն են, ուստի և անհրաժեշտ էր գտնել և տալ ամբողջական լուծում»¸-ասել է նա:

Դրանից հետո Սերժ Սարգսյանն ասել է¸ որ 2018-ի ապրիլից հետո Հանրապետության վարչապետի լիազորություններն ու հնարավորություններն ազգային անվտանգության և պաշտպանության առումով լինելու են շատ ավելի լայն, քան այն, ինչ կիսանախագահական համակարգի պայմաններում վերապահված է այսօրվա Նախագահին՝ Գերագույն գլխավոր հրամանատարին:

Սերժ Սարգսյանի այս խոսքերից մենք կարող ենք մի քանի հետևություն անել:

Առաջին՝ 2005 թվականից գործող Սահմանադրությունը վարչապետի և նախագահի միջև զսպումների և հակակշիռների որոշակի մեխանիզմ է ենթադրում¸ որը Սերժ Սարգսյանը համարում է անառողջ մրցակցություն և նոր Սահմանադրությամբ նա վերացնում է այդ հակակշիռների մեխանիզմը՝ ամբողջ իշխանությունը կենտրոնացնելով վարչապետի ձեռքերում:

Երկրորդ՝ իր այս հայտարարությունով Սերժ Սարգսյանը անուղակիորեն խոստովանում է¸ որ իր նախագահության տարիների ընթացքում նա իր իսկ կողմից նշանակած վարչապետների մեջ մրցակիցներ է տեսել և իր իսկ համար գրված Սամանդրությամբ փորձում է կանխել նման մրցակիցների ի հայտ գալը 2018 թվականից հետո:

Երրորդ՝ Սահմանադրական հանրաքվեից առաջ իր հարցազրույցներից մեկում Հովիկ Աբրահամյանը ըդգծել էր¸ որ հանրաքվեից հետո ակնկալում է ունենալ բարձր պաշտոն¸ սակայն ինչ եղավ վերջում ՝ մենք բոլորս տեսանք. Աբրահամյանը զրկվեց վարչապետի պաշտոնից¸ նեղացած դուրս եկավ ՀՀԿ-ից¸ սկսեց ֆեյսբուքում ստատուսներ գրել¸ ինչից հետո ամենաուժեղ քննադատությունը սկսեց ստանալ հենց իր նախկին կուսակիցներից:

Պարզ է ¸ որ այսօր իր բարձր պաշտոնը պահպանելոևւ ակնկալիք ունի նաև Կարեն Կարապետյանը¸ սակայն Սերժ Սարգսյանի վերոնշյալ հայտարությունները խաչ են քաշում Կարապետյանի ակնակալիքների վրա: Կհասցնի՞ նա համապատասխան քաղաքական հետևություններ անել մինչ 2018-ի ապրիլը¸ կախված է միմիայն իրենից: Իսկ այն¸ որ Սերժ Սարգսյանը իր շրջապատում չի հանդուրժի մի մարդու¸ ով հանրության շրջանում մի քանի անգամ ավելի բարձր վարկանիշ ունի¸ քան նա¸ ինչպես նաև ունի պոտենցիալ իր շուրջ համախմբելու Հանրապետականի ներսում բողոքական զանգվածը¸ դա ընդունեք որպես քաղաքական բացարձակ ճմշարտություն: Ամեն դեպքում¸ ցավալի¸ կլինի¸ եթե 2018 ապրիլից հետո Կարեն Կարապետյանի՝ այսօր ավելի քան ակտիվ ֆեյսբուքյան էջում մենք տեսնեք թախիծով լի ստատուսներ:

Սերժ Սարգսյանի՝ փետրվարի 20-ին արած հայտարարութունները հերթական անգամ գալիս են ապացուցելու այն պարզ ճշմարտությունը¸ որ Սերժ Սարգսյանը պատկանում է այն քաղաքական գործիչների դասին¸որոնք չեն կարող ունենալ ժառանգորդներ և կառուցում են այնպիսի քաղաքական համակարգ¸ որը սպասարկում է անձնապես իրենց շահերը¸ որոնք էլ իրենց հերթին պարբերաբար կարող են հակասության մեջ մտնել պետական շահերի հետ: Եթե Ազգային ժողովի ընտրությունների արդյունքում Հանրապետականը հայտնի և անհայտ մեթոդներով կրկին «տոկոսներ խփի»¸ անձնական և պետական շահերը կշարունակեն միմյանց բախվել¸ ինչի արդյուքնում էլ տուժելու է մեր պետականությունը:

Արմեն Միքայելյան