Մանկատան երեխաներն ու ծերանոցի բնակիչները՝ մեկ հարկի տակ

«Մի մեծ ընտանիք» նախաձեռնությունը մի հարկի տակ էր հավաքել ծերանոցի տատիկ-պապիկներին և մանկատան երեխաներին: 

Սեր, սեր և էլի սեր, այս լուսանկարները միայն այսպես կարող ենք բնութագրել

Գեղեցիկ նախաձեռնության հեղինակը ՀայԱրմատ բարեգործական կազմակերպությունն է:

Հասարակական կազմակերպությունն արդեն մեկ տարվա կյանք ունի, բայց արդեն հասցրել է բազմաթիվ նախաձեռնություններ իրականացնել:

ՀԿ ղեկավար կազմի անդամներից Անժելա Ղազարյանը Zham.am-ին պատմեց, որ ՀԿ-ի հիմնական նվիրատվությունները գալիս են Գերմանիայից, նվիրատուները հիմնականում  հայեր են:

Հավաքված գումարը ծառայեցնում են կարիքավոր մարդկանց և ընտանիքների հոգսերի թեթևացման համար: Օգնությունն էլ հիմնականում տրամադրում են ոչ թե գումարի, այլ հագուստի, սնունդի, հաճախ նաև աշխատանքային գործիքների տեսքով, որ մարդը կարողանա հետագայում ևս  դրանով գումար վաստակել:

Կազմակերպության կարիզը մոտ 10 հոգի են, բայց կամավորներն օրի-օրի ավելանում են: ՀԿ-ի ուշադրության կենտրոնում հատկապես մարզերն են, սակայն Երևանը ևս աչքաթող չեն անում:

Zham.am