Հայաստանի չորս ղեկավարների զավակները.ֆոտոշարք

Նախորդ հրապարակմամբ Zham.am-ը ներկայացրեց, թե ովքեր են եղել ՀՀ առաջին տիկինները: Այս անգամ էլ ամփոփում ենք, թե ովքեր են ՀՀ նախագահների զավակները, ինչ մասնագիտություն ունեն  և ինչով են զբաղվում…

ՀՀ առաջին նախագահ Լևոն Տեր-Պետրոսյանը ունի մեկ զավակ՝ Դավիթ Տեր- Պետրոսյանը: Ինչպես նշվում է մամուլում, Դավիթ Տեր-Պետրոսյանը զբաղվում է բիզնեսով:
Վերջերս  նա  ամուսնացավ երկրորդ անգամ, նրա կինը  հաղորդավարուհի Աննա Ավանեսյանն է:

ՀՀ երկրորդ նախագահ Ռոբերտ Քոչարյանն ունի երեք զավակ՝  երկու  որդի և մեկ դուստր:

Քոչարյանի ավագ որդին` ՍԵդրակ Քոչարյանը  սովորել է  ԵՊՀ-ի տնտեսագիտության ֆակուլտետում:  2004թ․-ին, նույն ԲՈՒՀ-ի ասպիրանտուրայում սովորելիս, հրաժարվել է տարկետման իրավունքից և 2005-2007թթ․-ին ծառայել է ՀՀ Զինված ուժերում։

2013թ-ին ստացել է բիզնեսի կառավարման մագիստրոսի կոչում «Սկոլկովո» Մոսկվայի մենեջմենթի դպրոցում։

2002թ-ից զբաղվում է ձեռնարկատիրական գործունեությամբ և ներկայումս մի շարք ոլորտների ընկերություններում հիմնադիր, համահիմնադիր, տնօրենների խորհրդի անդամ և նախագահ է։

Նա ամուսնացած է ԱԺ նախկին պատգամավոր Վոլոդյա Բադալյանի դստեր՝  Զարուհի Բադալյանի հետ: Ամուսիններն ունեն 3 դուստր և 1 որդի:

Ռոբերտ Քոչարյանի դուստրը՝  Գայանեն սովորել է Երևանի պետական համալսարանի Իրավաբանության ֆակուլտետը, այնուհետև՝  Լոնդոնի Համալսարանի` Օրիենտալ և Աֆրիկյան գիտությունների դպրոցի մագիստրատուրայի միջազգային իրավունքի բաժնում:

Գայանեն ամուսնացած է «Բարս»  ընկերության հիմնադիր-տնօրեն Մարինա Չատինյանի որդու` Վիգեն Չատինյանի հետ:

Ռոբերտ Քոչարյանի կրտսեր որդին՝  Լևոն Քոչարյանը նույնպես բիզնեսով է զբաղվում: Նա սովորել է Երևանի պետական համալսարանի իրավաբանական ֆակուլտետում:
Լևոն Քոչարյանն ամուսնացած է երգչուհի Սիրուշոյի հետ: Նրանք ունեն երկու որդի:

ՀՀ երրորդ նախագահ ՍԵրժ Սարգսյանն ունի երկու դուստր՝ Անուշը և Սաթենիկը:

Անուշը մասնագիտությամբ իրավաբան է, ամուսնացած է Վատիկանում ՀՀ նախկին դեսպան Միքայել Մինասյանի հետ:

Մյուս դուստրը՝ Սաթենիկը ավարտել է Երևանի պետական համալսարանը՝ տնտեսագետի մասնագիտությամբ: Նա ամուսնացած է ԲԴԽ նախագահ Գագիկ Հարությունյանի աներորդու՝ Հայկ Խաչատրյանի հետ:

ՀՀ վարչապետի պաշտոնակատար Նիկոլ Փաշինյանը ունի չորս զավակ՝ երեք դուստր և 1 որդի:

Նիկոլ Փաշինյանի որդին՝  Աշոտը վերջերս զորակոչվեց հայկական բանակ:

Ավագ դուստրը՝ 20-ամյա Մարիամը սովորել է  Աշոտ Բլեյանի Մխիթար Սեբաստացի կրթահամալիրում:

Մարիամը համացանցում շատ ակտիվ է և պարբերաբար լուսանկարներ է հրապարակում իր և ընտանիքի կյանքից:

Միջնեկ դուստրը Շուշանը՝  11 տարեկան է, իսկ կրստերը՝ Արփին՝ 3:

Zham.am